ନୂଆଦିଲ୍ଲୀ,୭ା୧: ହକି ଇଣ୍ଡିଆ ପକ୍ଷରୁ ରବିବାର ୪୧ ଜଣିଆ ଜୁନିୟର ମହିଳା ସମ୍ଭାବ୍ୟ ଦଳ ଘୋଷଣା କରାଯାଇଛି। ଏହି ୪୧ ଖେଳାଳି ବେଙ୍ଗାଲୁରୁସ୍ଥିତ ସାଇରେ ଅନୁଷ୍ଠିତ କ୍ୟାମ୍ପରେ ଏକ ମାସ ଧରି ଅଂଶଗ୍ରହଣ କରିବେ। ଜାତୀୟ ଚାମ୍ପିୟନଶିପ୍ ୨୦୨୩ ପ୍ରଦର୍ଶନ ଆଧାରରେ ଏହି ଖେଳାଳିମାନଙ୍କୁ ଦଳରେ ସାମିଲ କରାଯାଇଛି। ଫେବୃଆରୀ ୬ ତାରିଖ ଯାଏ ଜୁନିୟର ଦଳର ମୁଖ୍ୟ କୋଚ୍ ତୁଷାର ଖାଣ୍ଡକରଙ୍କ ତତ୍ତ୍ୱାବଧାନରେ ଏହି କ୍ୟାମ୍ପ ଅନୁଷ୍ଠିତ ହେବ।
ଗୋଲକିପର୍ସ ଭାବେ ବିଦ୍ୟାଶ୍ରୀ ଭି., ଅଦିତି ମହେଶ୍ୱରୀ, ନିଧି, ଏଙ୍ଗିଲ ହର୍ଷରାଣୀ ମିଞ୍ଜ ରହିଥିବା ବେଳେ ଡିଫେଣ୍ଡର୍ସ ଭାବେ ଲାଲଥାଣ୍ଟଲୁଆଙ୍ଗି, ନିରୁ କୁଲ୍ଲୁ, ମମିତା ଓରାମ, ଥୋନଜାଓଜାମ ନିରୁପମା ଦେବୀ, ଜ୍ୟୋତି ସିଂ, ଅଞ୍ଜଳି ବରଓ୍ବା, ପଓ୍ବନପ୍ରୀତ କୌର, ପୂଜା ସାହୁଙ୍କୁ ଚୟନ କରାଯାଇଛି।
ସେହିପରି ମିଡଫିଲ୍ଡର୍ସରେ ପ୍ରିୟଙ୍କା ଡୋଗ୍ରା, ରଜନୀ କାରକେଟ୍ଟା, ଏଫ୍. ଲାଲବି ଆକସିଆମି, ମନୀଷା, ନିରାଲି କୁଜୁର, ହିନା ବାନୋ, କେଷ୍ଟ୍ରିମାୟୁମ ସୋନିଆ ଦେବୀ, ଅନିସା ସାହୁ, ପ୍ରିୟଙ୍କା ଯାଦବ, ଖାଇଦେମ ଶିଲେଇମା, ସୁପ୍ରିୟା କୁଜୁର, ଜୈସିକଦୀପ୍ କୌର, ବିନିମା ଧାନ୍, ହୁଦା ଖାନ୍, ସାକ୍ଷୀ ରାଣାଙ୍କୁ ଚୟନ କରାଯାଇଛି।
ଫରଓ୍ବାଡର୍ସରେ ସୋନମ, ସଞ୍ଜନା ହୋରୋ, ଡେଚାମ୍ମା ପି.ଜି., ଇଶିକା, ହିମାଂଶୀ ଶରଦ ଗଓ୍ବାଣ୍ଡେ, କନିକା ସିଓ୍ବାଚ, ନିଶା ମିଞ୍ଜ, ଯମୁନା, ଗୀତା ଯାଦବ, ଗୁରମେଲ କୌର, ଲାଲରିନପୁଇ, ମୁନମୁନି ଦାସ, ଅଶ୍ୱିନୀ ପଞ୍ଜାବ କୋଲେକର, ସୁନେଲିତା ଟୋପ୍ଦୋ ପ୍ରମୁଖ ରହିଛନ୍ତି। ଷ୍ଟାଣ୍ଡବାଇ ଖେଳିଳି ଭାବେ ଲଖିମୋନି ମଜୁଓ୍ବାର(ଗୋଲକିପର), ମମତେଶ୍ୱରୀ ଲାହାରେ(ଡିଫେଣ୍ଡର), ସେଜଲ(ଫରଓ୍ବାର୍ଡ) ଭାବେ ରହିଛନ୍ତି।
