ଜୟପୁର,୨୩ା୭(ଡି.ଏନ.ଏ./ନି.ପ୍ର.)-କୋରାପୁଟ ଜିଲା ଜୟପୁରସ୍ଥିତ ସରକାରୀ ଚିଲ୍ଡ୍ରେନ୍ସ ହୋମ୍ (ଶିଶୁ ଯତ୍ନ ଭବନ)ରେ ଜଣେ ଛାତ୍ର ଆତ୍ମହତ୍ୟା କରିଛନ୍ତି। ତାଙ୍କ ନାମ ଜଗନ୍ନାଥ ପରଜା(୧୨)। ସେ ବାଥ୍ରୁମ୍ର ସ୍କାଇଲାଇଟରେ ଗାମୁଛା ବାନ୍ଧି ବେକରେ ଲଗାଇ ଆତ୍ମହତ୍ୟା କରିଛନ୍ତି। ଅନ୍ୟ ଅନ୍ତେବାସୀ ତାଙ୍କୁ ଦେଖି ତୁରନ୍ତ ତାଙ୍କ ବେକରୁ ଗାମୁଛା ବାହାରକରି ତଳକୁ ଓହ୍ଲାଇ ଆମ୍ବୁଲାନ୍ସ ଯୋଗେ ଜୟପୁର ଜିଲା ଚିକିତ୍ସାଳୟକୁ ନେଇଥିଲେ। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ପ୍ରକାଶଯେ, କୋରାପୁଟ ବ୍ଲକ କରଞ୍ଜିଗୁଡ଼ା ଗ୍ରାମର ଜଗନ୍ନାଥ ଅନ୍ୟ ଅନ୍ତେବାସୀଙ୍କ ସହ ଏହି ଶିଶୁ ଯତ୍ନ ଭବନରେ ୫ବର୍ଷ ହେଲା ରହୁଥିଲେ। ଏଠାରେ ତାଙ୍କ ପାଠପଢା ବ୍ୟବସ୍ଥା କରାଯାଇଥିଲା। ଜଗନ୍ନାଥ ରହିଥିବା ଚିଲ୍ଡ୍ରେନ ହୋମ୍ରେ ୨୨ ଜଣ ଶିଶୁ ରହୁଥିଲେ। ଗୁରୁବାର ସକାଳ ସାଢେ ୮ଟା ବେଳେ ଜଗନ୍ନାଥ ଗାଧୋଇବାକୁ ଯାଉଛି କହି ବାଥ୍ରୁମ୍ରେ ପଶିଥିଲେ। ମାତ୍ର ସେଠାରେ ସେ ସ୍କାଇଲାଇଟ୍ରେ ଗାମୁଛା ବାନ୍ଧି ଏହାକୁ ବେକରେ ବାନ୍ଧି ଆତ୍ମହତ୍ୟା କରି ଦେଇଥିଲେ। ଅନ୍ୟ ଅନ୍ତେବାସୀ ଏହା ଜାଣିବା ପରେ ତାଙ୍କୁ ତୁରନ୍ତ ଆମ୍ବୁଲାନ୍ସ ଯୋଗେ ଜିଲା ଚିକିତ୍ସାଳୟକୁ ନେଇଥିଲେ। ସେଠାରେ ଜଗନ୍ନାଥଙ୍କୁ ଡାକ୍ତର ମୃତ ଘୋଷଣା କରିଥିଲେ।