ରୋମ୍, ୨୮ା୭ (ଏପି)-ସାମ୍ପଡୋରିଆକୁ ୨-୦ ଗୋଲରେ ପରାସ୍ତ କରିବା ପରେ ଜୁଭେଣ୍ଟସ ଆଉ ଦୁଇଟି ଗେମ୍ ବାକି ଥାଇ ସିରି ଏ’ ଟାଇଟଲ ହାସଲ କରିଛି। ଦଳର ଏହା କ୍ରମାଗତ ୯ମ ଟାଇଟଲ, ଯାହାକି ପ୍ରତିଯୋଗିତାରେ ଏକ ନୂଆ ରେକର୍ଡ। କ୍ରିଷ୍ଟିଆନୋ ରୋନାଲ୍ଡୋ ଏହି ମ୍ୟାଚରେ ଗୋଲ ସ୍କୋର କରିଛନ୍ତି। ଫଳରେ ୫ଥର ବାଲନ ଡି’ଅର ପୁରସ୍କାର ବିଜେତା କ୍ରମାଗତ ୧୧ଟି ମ୍ୟାଚରେ ଗୋଲ ସ୍କୋର କରି ଏକ ରେକର୍ଡର ଅଧିକାରୀ ହୋଇପାରିଛନ୍ତି। ରବିବାର ସାମ୍ପଡୋରିଆ ବିପକ୍ଷରେ ସେ ପ୍ରଥମ ଗୋଲ୍ଟିକୁ ସ୍କୋର କରିଥିଲେ। ସେ ଆଉ ଗୋଟିଏ ଗୋଲ ସ୍କୋର କରିପାରିଲେ ଜୁଭେଣ୍ଟସ ତରଫରୁ ଗୋଟିଏ ସିଜନରେ ସର୍ବାଧିକ ଗୋଲ ସ୍କୋର କରିବା ରେକର୍ଡ ଭଙ୍ଗ କରିବେ। ଲିଗ୍ର ଗୋଟିଏ ସିଜନରେ ସର୍ବାଧିକ ଗୋଲ ସ୍କୋର କରିବା ରେକର୍ଡ ଫେଲିସି ବୋରେଲ୍ (୩୧ ଗୋଲ) ୧୯୩୩-୩୪ରେ ହାସଲ କରିଥିଲେ। ଲକ୍ଡାଉନ୍ ପରେ ରୋନାଲ୍ଡୋ ୧୦ଟି ଗୋଲ ସ୍କୋର କରିଛନ୍ତି। ଏହି ସମୟ ମଧ୍ୟରେ ୟୁରୋପର ୫ ଟପ୍ ଲିଗ୍ରେ କୌଣସି ଖେଳାଳି ଏତେ ସଂଖ୍ୟାରେ ଗୋଲ କରି ନାହାନ୍ତି। ମାଞ୍ଚେଷ୍ଟର ସିଟିିର ରହିମ୍ ଷ୍ଟର୍ଲିଂ ଓ ବେୟର୍ନ ମ୍ୟୁନିକ୍ର ରବର୍ଟ ଲିଓ୍ବାଣ୍ଡୋସ୍କି ପ୍ରତ୍ୟକେ ୯ଟି ଲେଖାଏଁ ଗୋଲ ସ୍କୋର କରିଛନ୍ତି। ରେକର୍ଡ ପ୍ରତିଷ୍ଠା କରିବା ସବୁବେଳେ ଗୁରୁତ୍ୱପୂର୍ଣ୍ଣ, କିନ୍ତୁ ଦଳର ବିଜୟ ତାଠାରୁ ଗୁରୁତ୍ୱପୂର୍ଣ୍ଣ ବୋଲି ରୋନାଲ୍ଡୋ କହିଛନ୍ତି।