ନୟାଗଡ଼ ଅଫିସ/ଦଶପଲ୍ଲା,୮।୨(ଡି.ଏନ.ଏ.): ଖାଦ୍ୟଶସ୍ୟ ମଧ୍ୟରେ ତୈଳର ଗୁଣବତ୍ତା ଓ ଉପତ୍ାଦନ ବୃଦ୍ଧି ପାଇଁ ଯୁକ୍ତରାଷ୍ଟ୍ର ଆମେରିକାର ଟେକ୍ସାସ ରାଜ୍ୟର ଗାଲଭଷ୍ଟନ ସହରରେ ଅନ୍ତର୍ଜାତୀୟ ସମ୍ମିଳନୀ ଆୟୋଜନ କରାଯାଇଥିଲା। ଏହା ଚଳିତ ବର୍ଷ ଜାନୁୟାରୀ ୨୮ରୁ ଫେବୃୟାରୀ ୩ ପର୍ଯ୍ୟନ୍ତ ସେହି ସମ୍ମିଳନୀ ଚାଲିଥିଲା। ଏଥିରେ ଆମେରିକା, କାନାଡା, ମେକ୍ସିକୋ, ପୋଲାଣ୍ଡ, ୟୁକେ, ଜର୍ମାନୀ, ଫ୍ରନସ୍, ସୁଇଜରଲାଣ୍ଡ, ଜାପାନ, ଭାରତ ଭଳି ୨୦ ଦେଶର ବୈଜ୍ଞାନିକ ଭାଗ ନେଇଥିଲେ। ଏଥିରେ ନୟାଗଡ଼ ଜିଲା ଦଶପଲ୍ଲା ସହର ସାତପାଟଣା ନିକଟସ୍ଥ ଜରିପାଟଣା ଗଁ।ର ଯୁବ ବୈଜ୍ଞାନିକ ଜ୍ୟୋତିରଞ୍ଜନ ବେହେରା ସାମିଲ ହୋଇଥିଲେ। ଜ୍ୟୋତିରଞ୍ଜନଙ୍କ ହାଟ ହେଲଥି ଅଏଲ ପ୍ରଡକସନ ଇନପ୍ଲାଣ୍ଟ ପ୍ରକଳ୍ପ ପ୍ରଥମ ସ୍ଥାନ ଅକ୍ତିଆର କରି ପୁରସ୍କୃତ ହୋଇଛି। ଏଥିପାଇଁ ତାଙ୍କୁ ଭ୍ରମଣ ଅନୁଦାନ ପୁରସ୍କାର ମିଳିଛି। ଜ୍ୟୋତିରଞ୍ଜନ ତାଙ୍କର ଗବେଷଣାକୁ ଦେଶ ତଥା ବିଶ୍ୱରେ ପ୍ରଦର୍ଶନ କରି ଖାଦ୍ୟ ଶସ୍ୟ ଉପତ୍ାଦନ ବୃଦ୍ଧିରେ ପ୍ରୟୋଗ କରିବାକୁ ଲକ୍ଷ୍ୟ ରଖିଥିବା କହିଛନ୍ତି। ତାଙ୍କ ସଫଳତା ନୟାଗଡ଼ ଜିଲା ଓ ଦଶପଲ୍ଲା ବ୍ଲକ ସମେତ ଭାରତ ପାଇଁ ଗର୍ବ ଓ ଗୌରବ ସାଉଁଟିଛନ୍ତି।
