‘କଚା ବାଦାମ’ ଗୀତ ଗାଇ ରାତାରାତି ଷ୍ଟାର୍ ପାଲଟିଥିବା ଭୁବନ ବାଦକର ଆଜିକାଲି ପୁଣିଥରେ ଚର୍ଚ୍ଚାରେ ଅଛନ୍ତି। ଏଥର ସେ ନିଜ ମନ୍ତବ୍ୟ ପାଇଁ କ୍ଷମା ମାଗି ଆଲୋଚନାର କେନ୍ଦ୍ରବିନ୍ଦୁ ପାଲଟିଛନ୍ତି। ତାଙ୍କ ଗୀତ ଭାଇରାଲ ହେବା ପରେ ନିଜକୁ ଜଣେ ସୁପରଷ୍ଟାର ଭାବି ଆଉ ବାଦାମ ରହିବ ନାହିଁ ବୋଲି କହିଥିଲେ। ତେବେ ଏବେ ସେ ତାଙ୍କ ମନ୍ତବ୍ୟ ପାଇଁ କ୍ଷମା ମାଗିଛନ୍ତି ଏବଂ ପୁନର୍ବାର ବାଦାମ ବିକ୍ରି କରିବେ ବୋଲି କହିଛନ୍ତି। ଲୋକମାନେ ମୋତେ ଆଜି ପସନ୍ଦ କରୁଛନ୍ତି ମୁଁ ଖୁସି ଅଛି। ଯଦି ଆବଶ୍ୟକ ପଡେ ତେବେ ସେ ପୁନର୍ବାର କଞ୍ଚା ବାଦାମ ବିକ୍ରି କରିବେ ବୋଲି ଭୁବନ କହିଛନ୍ତି।
ଭୁବନଙ୍କ ନିକଟରେ ଏକ ଦୁର୍ଘଟଣା ଘଟିଛି। ସେ ଏକ କାର କିଣି ଚଲାଇବା ଶିଖୁଥିଲେ। ଏହି ସମୟରେ ତାଙ୍କର ଦୁର୍ଘଟଣା ଘଟିଥିଲା। ପରେ ତାଙ୍କୁ ଡାକ୍ତରଖାନାରେ ଭର୍ତ୍ତି କରାଯାଇଥିଲା। ଏବେ ସେ ସମ୍ପୂର୍ଣ୍ଣ ସୁସ୍ଥ ହୋଇଯାଇଛନ୍ତି। ତାଙ୍କର ଏକ ନୂତନ ଗୀତ ମଧ୍ୟ ଆସୁଛି, ଏହି ଗୀତର ରେକର୍ଡିଂ ପଶ୍ଚିମବଙ୍ଗର ବୋଲପୁରର ଟ୍ବିଲାଇଟ ଷ୍ଟୁଡିଓରେ କରାଯାଇଛି । ଏଥିରେ ସେ ତାଙ୍କ ଦୁର୍ଘଟଣାର କାହାଣୀ ଦୁନିଆକୁ ଆଣିଛନ୍ତି। ବିସିସିଆଇର ଅଧ୍ୟକ୍ଷ ସୌରଭ ଗାଙ୍ଗୁଲିଙ୍କ ଟେଲିଭିଜନ ଶୋ ‘ଦାଦାଗିରି’କୁ ମଧ୍ୟ ଭୁବନଙ୍କୁ ନିମନ୍ତ୍ରଣ କରାଯାଇଥିଲା। ଏଠାରେ ତାଙ୍କୁ ମଧ୍ୟ ସମ୍ମାନିତ କରାଯାଇଛି।
