ମୁମ୍ବାଇ: ସାଉଥ୍ ସୁନ୍ଦରୀ କାଜଲ ଅଗ୍ରୱାଲ ମା’ ହେବା ଖବର କିଛିଦିନ ହେଲା ଚର୍ଚ୍ଚାରେ ରହୁଛି । ହେଲେ ଏହା କେତେ ସତ ତାହା ଏପଯ୍ୟନ୍ତ ସ୍ପଷ୍ଟ ହୋଇନାହିଁ । ଏବେ କାଜଲ ତାଙ୍କ ସୋସିଆଲ ମିଡିଆ ଆକାଉଣ୍ଟ ଇନଷ୍ଟାଗ୍ରାମରେ ଏକ ଫଟୋ ଶେୟାର କରିବା ପରେ ଆଲୋଚନା ପୁଣିଥରେ ଦ୍ୱିଗୁଣା ହୋଇଛି । ଉକ୍ତ ଫଟୋରେ କାଜଲଙ୍କ କ୍ୟୁଟ ବେବି ବମ୍ପ ଦେଖିବାକୁ ମିଳୁଛି । ତେଣୁ ପ୍ରଶଂସକମାନେ ଅନୁମାନ ଲଗାଉଛନ୍ତି କି କାଜଲ ଖୁବଶୀଘ୍ର ମା’ ହେବାକୁ ଯାଉଛନ୍ତି । ହେଲେ ଏ ସମ୍ପର୍କରେ କାଜଲ କିଛି କହି ନାହାନ୍ତି । ସୂଚନାଯୋଗ୍ୟ, ପୂର୍ବରୁ ଯେତେବେଳେ ଏହି କଥା ଆଲୋଚନା ହୋଇଥିଲା ସେତେବେଳେ କାଜଲ କହିଥିଲେ ସମୟ ଆସିଲେ ସେ ନିଜେ ଏହାର ଘୋଷଣା କରିବେ । ଅର୍ଥାତ୍ ନା ସେ ତାଙ୍କ ପ୍ରେଗନାନ୍ସି ଖବରକୁ ଗ୍ରହଣ କରିଥିଲେ ନା ଖଣ୍ଡନ କରିଥିଲେ । ଏବେ କିନ୍ତୁ ତାଙ୍କ ସୋସିଆଲ ମିଡିଆ ଫଟୋଟି ଭାଇରାଲ ହୋଇଥିଲେ ସୁଦ୍ଧା କାଜଲ ଏ ସମ୍ପର୍କରେ କିଛି କହି ନାହାନ୍ତି ।
