ମୁମ୍ବାଇ: ସାଉଥ୍ ଅଭିନେତ୍ରୀ କାଜଲ ଅଗ୍ରୱାଲ ତାଙ୍କ ମ୍ୟାଟରନିଟି ବ୍ରେକ୍ ପରେ ଏବେ ପୁଣିଥରେ କର୍ମକ୍ଷେତ୍ରକୁ ଫେରିଛନ୍ତି। କାଜଲ ୨୦୨୦ ଅକ୍ଟୋବର ୩୦ରେ ଗୌତମ କିଟ୍ଚୁଙ୍କୁ ବିବାହ କରିଥିଲେ। ତେବେ ଗତ ବର୍ଷ ଦୁହିଁଙ୍କର ଏକ ପୁତ୍ରସନ୍ତାନ ଜନ୍ମ ହୋଇଛି। ସେଥିପାଇଁ ସେ ମ୍ୟାଟରନିଟି ବ୍ରେକ୍ ନେଇଥିଲେ। ତେବେ ଏବେ ସେ ତାଙ୍କ କାମକୁ ଫେରିଛନ୍ତି। ସେ କମଲ ହାସନଙ୍କ ଫିଲ୍ମ ‘ଇଣ୍ଡିଆନ୍-୨’ରେ ନଜରକୁ ଆସିବେ। ଏଥିପାଇଁ ସେ ତାଙ୍କ ଶୁଟିଂ ଆରମ୍ଭ କରିଦେଇଛନ୍ତି। ଏନେଇ ଅଭିନେତ୍ରୀ ଏକ ଫଟୋ ଶେୟାର କରି ଏହି ସୂଚନା ଦେଇଛନ୍ତି। ଫିଲ୍ମ ସେଟ୍ରୁ କାଜଲ ଏକ ଫଟୋ ଶେୟାର କରିଛନ୍ତି। ହେଲେ ସେଥିରେ କାଜଲ ନିଜ ଲୁକ୍ ପ୍ରକାଶ କରିନାହାନ୍ତି। ଏହା ପୂର୍ବରୁ ସେ ଏହି ମୁଭି ପାଇଁ ହର୍ସ ରାଇଡିଂ ଶିଖୁଥିଲେ। ସେ ଫଟୋ ଶେୟାର କରି ଲେଖିଛନ୍ତି, ବହୁତ ଦିନ ପରେ କାମକୁ ଫେରି ଖୁସି ଲାଗୁଛି। ସେ ବର୍ତ୍ତମାନ ସମୟରେ କିଛି ନୂଆ ଶିଖୁଛନ୍ତି। ଯେଉଁଥିପାଇଁ ସେ ଉତ୍ସାହିତ ଥିବା କହିଛନ୍ତି। ଫିଲ୍ମରେ ଏସ୍. ଶଙ୍କର ନିର୍ଦ୍ଦେଶନା ଦେଉଥିବାବେଳେ ଚଳିତ ବର୍ଷ ଅକ୍ଟୋବରରେ ଚଳଚ୍ଚିତ୍ର ରିଲିଜ୍ ହେବାକୁ ଯୋଜନା ରହିଛି।