ବଲିଉଡର ସଫଳ ଅଭିନେତ୍ରୀମାନଙ୍କ ମଧ୍ୟରୁ କାଜୋଲ ଅନ୍ୟତମ। ସେ ତାଙ୍କ ସ୍ବାମୀ ତଥା ଅଭିନେତା ଅଜୟ ଦେବଗନଙ୍କ ସହ ଜୁହୁର ଏକ ବିଳାସପୂର୍ଣ୍ଣ ବଙ୍ଗଳାରେ ରୁହନ୍ତି। ମୁମ୍ବାଇର ପୋୱାଇରେ ଏହି ଦମ୍ପତିଙ୍କର ଆଉ ଏକ ଆପାର୍ଟମେଣ୍ଟ ଅଛି। ଏବେ କାଜୋଲ ଏହି ଆପାର୍ଟମେଣ୍ଟକୁ ଭଡା ଦେଇଛନ୍ତି । ସେ ଏହାକୁ ମାସକୁ ୯୦ ହଜାର ଭଡାରେ ଦେଇଛନ୍ତି। ଏହା ସହିତ ଏହାର ଭଡା ଏକ ବର୍ଷରେ ଆହୁରି ବୃଦ୍ଧି ପାଇବ। ଆପାର୍ଟମେଣ୍ଟ ପାଇଁ ୩ ଲକ୍ଷ ଟଙ୍କା ସୁରକ୍ଷା ଟଙ୍କା ମଧ୍ୟ ଦିଆଯାଇଛି।
କାଜୋଲର ଏହି ଆପାର୍ଟମେଣ୍ଟ ୭୭୧ ବର୍ଗଫୁଟ ଉପରେ ବିସ୍ତାର ହୋଇଛି। ଆପାର୍ଟମେଣ୍ଟଟି ହିରାନନ୍ଦାନୀ ବଗିଚାର ଆଟଲାଣ୍ଟିକ ପ୍ରୋଜେକ୍ଟର ୨୧ ତମ ମହଲାରେ ଅବସ୍ଥିତ। ଅଜୟ ଦେବଗନ ଏବଂ କାଜୋଲ ଜୁହୁରେ ଥିବା ସେମାନଙ୍କର ଶିବକ୍ଷେତ୍ର ବଙ୍ଗଳାରେ ରୁହନ୍ତି। ଏହାର ମୂଲ୍ୟ ପାଖାପାଖି ୬୦ କୋଟି ଅଟେ।
ଅତୀତରେ ଅନେକ ବଲିଉଡ ତାରକା ନିଜ ଘରକୁ ଭଡା ଦେଇ ଦେଇଛନ୍ତି। ସଲମାନ ମୁମ୍ବାଇରେ ତାଙ୍କ ଆପାର୍ଟମେଣ୍ଟକୁ ମାସକୁ ୯୫ ହଜାର ଟଙ୍କା ଭଡା ଦେଇଛନ୍ତି କରିଛନ୍ତି। ଏହା ବ୍ୟତୀତ ଅମିତାଭ ବଚ୍ଚନଙ୍କ ଡୁପ୍ଲେକ୍ସକୁ ଅଭିନେତ୍ରୀ କ୍ରିତି ସାନନଙ୍କୁ ଭଡା ନେଇଛନ୍ତି। ଏହାର ଭଡା ମାସକୁ ୧୦ ଲକ୍ଷ ଟଙ୍କା ରହିଛି।