ମୁମ୍ବାଇ : ଦୁର୍ଗା ପୂଜା ଉତ୍ସବ ମଧ୍ୟରେ ବଲିଊଡ ଅଭିନେତ୍ରୀ କାଜୋଲ ବହୁତ ବ୍ୟସ୍ତ ଅଛନ୍ତି। ଦୁର୍ଗାପୂଜା ପେଣ୍ଡାଲରେ କାଜୋଲଙ୍କୁ ଗୋଲାପୀ ରଙ୍ଗର ଲୁକରେ ଦେଖିବାକୁ ମିଳିଥିଲା। ସେ ଏହି ଲୁକରେ ବହୁତ ସୁନ୍ଦର ଦେଖାଯାଉଥିଲେ, କିନ୍ତୁ ହଠାତ ତାଙ୍କ ସହ ଏକ ଅଘଟଣ ଘଟିଥିଲା। ପେଣ୍ଡାଲ ମଞ୍ଚରେ ଝୁଣ୍ଟି ଖସିପଡିଥିଲେ। ମାତ୍ର ତାଙ୍କ ପୁଅ ୟୁଗ ତାଙ୍କ ହାତ ଧରି ପକାଇଥିଲେ। ଫଳରେ ସେ ନିଜକୁ ସମ୍ଭାଳି ନେଇଥିଲେ। ସେ ଆହତ ହୋଇଥିବା ଚର୍ଚ୍ଚା ହେଉଛି। ସୋସିଆଲ ମିଡିଆରେ ଭାଇରାଲ ହେଉଥିବା ଏକ ନୂଆ ଭିଡିଓରେ କାଜୋଲଙ୍କୁ ଦୁର୍ଗାପୂଜା ପେଣ୍ଡାଲ ଭିତରେ ଗୋଲାପୀ ରଙ୍ଗର ଶାଢିରେ ଦେଖିବାକୁ ମିଳୁଛି। ଶାଢି ସହ ଏକ ସ୍ଲିଭଲେସ ବ୍ଲାଉଜ ପିନ୍ଧିଥିଲେ। ଇନଷ୍ଟାଗ୍ରାମରେ ପାପାରାଜି ଆକାଉଣ୍ଟ ଦ୍ୱାରା ପୋଷ୍ଟ କରାଯାଇଥିବା ଏହି ଭିଡିଓରେ କାଜୋଲ ମଞ୍ଚରୁ ଖସିପଡିଥିବାର ଦେଖିବାକୁ ମିଳୁଛି।
କାଜୋଲ ଝୁଣ୍ଟିବା ମାତ୍ରେ ତାଙ୍କ ହାତରୁ ଫୋନ ଖସି ଯାଇଥିଲା। ତେବେ ତାଙ୍କ ପୁଅ ୟୁଗ ନଇଁପଡି ଫୋନ ଉଠାଇଥିବାର ଦେଖିବାକୁ ମିଳୁଛି। ତାଙ୍କ ପାଖରେ ଠିଆ ହୋଇଥିବା ଭଉଣୀ ତନିଶା ମୁଖାର୍ଜୀ ତାଙ୍କୁ ଧରି ନେଉଛନ୍ତି। ଦୁର୍ଗା ପୂଜା ଉତ୍ସବରେ ରାନୀ ମୁଖାର୍ଜୀ, ହେମା ମାଳିନୀ ଏବଂ ତାଙ୍କ ଝିଅ ଇଶା ଦେଓଲ ଏବଂ କିଆରା ଆଡଭାନୀ ମଧ୍ୟ ଯୋଗ ଦେଇଥିଲେ। ଦର୍ଶନ ପାଇଁ ରାନୀ ଗୋଲଡେନ ବ୍ଲାଉଜ ସହିତ ଆଇଭରି ଶାଢିରେ ବହୁତ ସୁନ୍ଦର ଦେଖାଯାଉଥିଲେ। କିଆରା ଆଡଭାନୀ ଦୁର୍ଗା ପୂଜା ପାଇଁ ହାଲୁକା ସବୁଜ ରଙ୍ଗର ସୁଟ ପିନ୍ଧିଥିଲେ ।