ବଲିଉଡ୍ ଅଭିନେତ୍ରୀ କାଜଲ ପ୍ରାୟ ତିନି ଦଶନ୍ଧି ଧରି ଇଣ୍ଡଷ୍ଟ୍ରିରେ ରାଜ୍ କରିୁଛନ୍ତି। ଦିଲୱାଲେ ଦୁଲହନିଆ ଲେ ଜାୟେଙ୍ଗେ, ଇଶ୍କ, ବାଜିଗର, କୁଛ କୁଛ ହୋତା ହୈ ଭଳି ଅନେକ ହିଟ ଫିଲ୍ମ ଦେଇଛନ୍ତି। ବର୍ତ୍ତମାନ ସେ ଓଟିଟିରେ ପାଦ ରଖିବାକୁ ଯାଉଛନ୍ତି। ତାଙ୍କୁ ଖୁବ ଶୀଘ୍ର ହଟଷ୍ଟାର୍ + ଡିଜନିର ସିରିଜ ‘ଦି ଟ୍ରାଏଲ’ରେ ଜଣେ ଓକିଲ ଭୂମିକାରେ ଦେଖିବାକୁ ମିଳିବ। କାଜଲ ଏପର୍ଯ୍ୟନ୍ତ ତାଙ୍କ କ୍ୟାରିୟରରେ ପ୍ରଥମ ଥର ପାଇଁ ଏହି ଭୂମିକାରେ ନଜର ଆସିବେ। ଏହି ଅବସରରେ ତାଙ୍କୁ ଓକିଲ ଭାବେ ପ୍ରଥମେ କାଠଗଡ଼ାକୁ କାହାକୁ ନେବାକୁ ଚାହୁଁଛନ୍ତି ବୋଲି ପ୍ରଶ୍ନ ପଚରାଯିବାରୁ ସେ ତାଙ୍କ ସ୍ବାମୀ ଅଜୟ ଦେବଗନଙ୍କ ନାମ ନେଇଥିଲେ।
ଏ ବିଷୟରେ କଥାବାର୍ତ୍ତା କରି କାଜଲ କହିଛନ୍ତି- ମୁଁ ନିଜକୁ କେବେ ହିରୋ ବୋଲି ଭାବି ନ ଥିଲି। ମୋର ଭୂମିକା ଭଲ ହୋଇପାରେ, କିନ୍ତୁ ଏଥିରେ କାମ କରୁଥିବା ସମସ୍ତ ଲୋକଙ୍କ ହେତୁ ଏକ ଚଳଚ୍ଚିତ୍ର କିମ୍ବା ସିରିଜ ନିର୍ମିତ ହୋଇଥାଏ। ଯଦି ମୋର ବିପରୀତ ଜଣେ ଭଲ ଅଭିନେତା କିମ୍ବା ଭଲ ନିର୍ଦ୍ଦେଶକ ନୁହଁନ୍ତି, ତେବେ ମୁଁ ମଧ୍ୟ ଭଲ କରି ପାରିବି ନାହିଁ। ଏକ ଭଲ ଚଳଚ୍ଚିତ୍ର ନିର୍ମାଣରେ ସମସ୍ତେ ସହଯୋଗ କରନ୍ତି।