କୁଆଁରମୁଣ୍ଡା,୨୫।୪(ଡି.ଏନ.ଏ.): ସୋମବାର ଭୋର ସମୟରେ ପ୍ରବଳ ପବନ ସହ ବର୍ଷା ହୋଇଥିଲା। ଏହାର ପ୍ରଭାବରେ କାଲସୋହରିଆ ପଞ୍ଚାୟତର ୪ ନମ୍ବର ୱାର୍ଡରେ ୨ ଜଣଙ୍କ ଘର ଉପରେ ଗଛ ଡାଳ ପଡି ଭାଙ୍ଗିଯାଇଛି। ଟିଫିଲ କିଣ୍ଡୋଙ୍କ ଖପର ଘର ଉପରେ ଶାଳଗଛ ଭାଙ୍ଗି ପଡିବାରୁ ଘର ଭାଙ୍ଗିଯିବା ସହ ଏକ ମୋଟର ବାଇକ୍ ମଧ୍ୟ ଭାଙ୍ଗିଯାଇଛି। ସେହିପରି ସେହି ୱାର୍ଡର ଯୋଶେଫ କିଣ୍ଡୋଙ୍କ ମାଟି ଘର ଉପରେ ଗଛଡାଳ ପଡି ଭାଙ୍ଗିଯାଇଛି। ପ୍ରଶାସନ ତାଙ୍କ ନିକଟରେ ପହଞ୍ଚି ଉପଯୁକ୍ତ ତଦନ୍ତ କରି ଆବଶ୍ୟକୀୟ ସହାୟତା ଯୋଗାଇ ଦେବା ପାଇଁ କାଲୋସିହିରିଆ ସରପଞ୍ଚ ଦାବି କରିଛନ୍ତି।