ବାଲିଗୁଡା,୪ା୬(ଡି.ଏନ.ଏ.): କାଳବୈଶାଖୀ ପ୍ରଭାବରେ କନ୍ଧମାଳ ଜିଲା ବାଲିଗୁଡା ତଥା ଆଖପାଖ ଅଞ୍ଚଳରେ ରବିବାର ଅପରାହ୍ନରେ ଘଡଘଡି ସହ ବର୍ଷା ହୋଇ ଝଡତୋଫାନ ଘଟିଛି। ଫଳରେ କେତେକ ସ୍ଥାନରେ ଘରର ଆଜବେଷ୍ଟସ୍ ଉଡାଇ ନେଇସହ ଗଛ ଭାଙ୍ଗି ବ୍ୟାପକ କ୍ଷୟକ୍ଷତି ହୋଇଥିବା ଜଣାପଡିଛି। ଏପରିକି ଆଉ କେତେକ ସ୍ଥାନରେ ବିଦ୍ୟୁତ୍ ତାର ଉପରେ ଗଛ ପଡିବାରୁ ବିଦ୍ୟୁତ ୍ସେବା ବ୍ୟାହତ ହୋଇଛି। ରେବିଙ୍ଗିଆ ପଞ୍ଚାୟତର ମଝିସାହି ବାସିନ୍ଦା ଲକ୍ଷ୍ମଣ ବେହେରାଙ୍କ ଘର ଅଗଣାରେ ଥିବା ଏକ ନଡ଼ିଆ ଗଛରେ ବଜ୍ରପାତ ଘଟିବାରୁ ଗଛଟି ଜଳିଯାଇଥିଲା। ଖବର ପାଇ ଅଗ୍ନିଶମ ବାହିନୀ ଘଟଣାସ୍ଥଳରେ ପହଞ୍ଚି ନିଆଁକୁ ଲିଭାଇଥିଲେ।