ହିଞ୍ଜିଳିକାଟୁ,୧୦।୬(ଡିଏନଏ): ହିଞ୍ଜିଳିକାଟୁ ଓ ଆଖପାଖ ଅଞ୍ଚଳରେ ଶନିବାର ମଧ୍ୟାହ୍ନରେ କାଳବୈଶାଖୀ ପ୍ରଭାବରେ ବର୍ଷାପବନ, କୁଆପଥର ମାଡ ସହ ବଜ୍ରପାତ ହୋଇଛି। ଏହା ପ୍ରଭାବରେ ହିଞ୍ଜିଳିକାଟୁ ସହରର ଜାତୀୟ ରାଜପଥ କଡ଼ରେ ବହୁ ସ୍ଥାନରେ ଗଛ ରାସ୍ତା ଉପରେ ପଡ଼ି ବହୁ ସମୟ ପର୍ଯ୍ୟନ୍ତ ରାସ୍ତ ଅବରୋଧ ହୋଇଥିଲା। ପ୍ରବଳ ପବନ ହେବା ଯୋଗୁୁ ପ୍ରାୟ ୩ଘଣ୍ଟାରୁ ଉଦ୍ଧର୍ବ ସମୟ ଧରି ବିଦ୍ୟୁତ ସରବରାହ ବନ୍ଦ ରହିଥିଲା। ଗ୍ରାମାଞ୍ଚଳରେ ଦୀର୍ଘ ସମୟ ଧରି ବିଦ୍ୟୁତ୍ ସରବରାହ ବନ୍ଦ ରହିବା ସହ ସଂଧ୍ୟା ସୁଦ୍ଧା କରେଣ୍ଟ ଆସିନାହିଁ। ଏଥିସହ କୁଆପଥର ମାଡରେ ବିଭିନ୍ନ ସ୍ଥାନରେ କ୍ଷୟକ୍ଷତି ହୋଇଥିବାର ଦେଖିବାକୁ ମିଳିଛି। ହିଞ୍ଜିଳିକାଟୁ ରାଜାସାହି ଓ ଆରଏମସି ଛକରେ ରାସ୍ତା ଉପରେ ପଡ଼ିଯାଇଥିବା ଗଛକୁ ଦମକଳ ବାହିନୀ ହଟାଇବା ପରେ ଯାନବାହାନ ଚଳାଚଳ ହୋଇଛି।