ନୂଆପଡ଼ା ଅଫିସ,୩୧।୩:ନୂଆପଡ଼ା ଜିଲା କୋମନା ବ୍ଲକ ଅଧୀନ ସୁନାବେଡ଼ା ବନ୍ୟପ୍ରାଣୀ ଅଭୟାରଣ୍ୟ ଭିତରେ ଅବସ୍ଥିତ ସୋସେଙ୍ଗ ପଞ୍ଚାୟତ ଜଲମଡେଇ ଗାଁର ସାନମତି ବାରିକ (୬୮)ଙ୍କୁ ଗତ ୧୯ ତାରିଖ ରାତିରେ ମହାବଳ ବାଘ ଖାଇ ଦେବା ପରେ ଗଁାରେ ଆତଙ୍କ ଖେଳିଯାଇଛି। ବାଘର ଗତିବିଧିକୁ ନଜର ରଖିବା ପାଇଁ ବନ ବିଭାଗ ପକ୍ଷରୁ ୧୫ଟି ଟ୍ରାକିଂ କ୍ୟାମେରା ଲଗାଯାଇଥିଲା। ଗୁରୁବାର ଭୋର ପ୍ରାୟ ୫ଟା ବେଳେ ବାଘ ଟ୍ରାପ କ୍ୟାମେରାରେ କଏଦ ହୋଇଥିବା ନେଇ ସୁନାବେଡ଼ା ରେଞ୍ଜର ଶିବ ପ୍ରସାଦ ଖମାରୀ ସୂଚନା ଦେଇଛନ୍ତି। ଏହା କଲରାପତରିଆ ବାଘ ବୋଲି ସ୍ପଷ୍ଟ ଜଣାପଡ଼ିଛି। କ୍ୟାମେରାରେ ଫଟୋ କଏଦ ହେବା ପରେ ବନ ବିଭାଗ ପକ୍ଷରୁ ବାଘର ଗତିବିଧି ଉପରେ ତିକ୍ଷ୍ମ ନଜର ରଖାଯାଇଛି। ବିଭାଗୀୟ କର୍ମଚାରୀମାନେ ସେଠାରେ ଦିନରାତି ପାଟ୍ରୋଲିଂ କରୁଛନ୍ତି।
ସୂଚନାଯୋଗ୍ୟ, ଗତ ୧୯ ତାରିଖରୁ ନୂଆପଡ଼ା ଜିଲା ସୁନାବେଡ଼ା ଅଭୟାରଣ୍ୟ ଜଲମଡେଇ ଗାଁରେ ଜଣେ ବୃଦ୍ଧାଙ୍କ ସମେତ ୪ଟି ଗୃହପାଳିତ ପ୍ରାଣୀ ବାଘ ଶିକାର କରି ସାରିଲାଣି। ଛତିଶଗଡ ସୀମାନ୍ତକୁ ଲାଗି ୬ ଶହ ବର୍ଗ କି.ମି. ପରିବ୍ୟାପ୍ତ ସୁନାବେଡା ଅଭୟାରଣ୍ୟ ଦିନକୁ ଦିନ ସଙ୍କୁଚିତ ହେବାରେ ଲାଗିଛି। ସଙ୍କୁଚିତ ବାସସ୍ଥଳି ଓ ଖାଦ୍ୟାଭାବ ଯୋଗୁ କଲରାପତରିଆ ବାଘ ଗାଁ ମୁହାଁ ହୋଇ ଶିକାର କରୁଛିି। ବାଘ ଆତଙ୍କରେ ଜୀବନ ଜୀବିକା ପ୍ରଭାବିତ ହେବା ସହ ଲୋକେ ବାହାରକୁ ବାହାରୁନାହାନ୍ତି।