ବୃଦ୍ଧାବସ୍ଥାରେ ମାତାପିତାଙ୍କୁ ବୋଝ ବୋଲି ଭାବି କିଛି ସନ୍ତାନ ସେମାନଙ୍କୁ ବୃଦ୍ଧାଶ୍ରମରେ ଛାଡିଦିଅନ୍ତି। କିନ୍ତୁ କଳିଯୁଗରେ କିଛି ଶ୍ରବଣ କୁମାର ମଧ୍ୟ ଅଛନ୍ତି। ଯେଉଁମାନେ ନିଜ ମାତାପିତାଙ୍କ ପାଇଁ ଜୀବନ ଉତ୍ସର୍ଗ କରିଦେବାକୁ ପଛାନ୍ତି ନାହଁି। ସେମିତି ଏକ ଉଦାହରଣ କର୍ନାଟକର ମହୀଶୂରରେ ଦେଖିବାକୁ ମିଳିଛି। ଏଠାରେ ରହୁଥିତ୍ବା କୃଷ୍ଣ କୁମାର ନାମକ ଜଣେ ବ୍ୟକ୍ତି ବୃଦ୍ଧା ମା’ଙ୍କୁ ତୀର୍ଥସ୍ଥାନ ବୁଲାଇବା ପାଇଁ ଚାକିରି ଛାଡିଦେଇଥିଲେ। ୪୨ ବର୍ଷୀୟ କୃଷ୍ଣା ୭୦ ବର୍ଷୀୟଙ୍କ ମା’ଙ୍କୁ ସ୍କୁଟରରେ ବସାଇ ଦେଶର ବିଭିନ୍ନ ତୀର୍ଥସ୍ଥାନ ବୁଲାଇ ଥିଲେ। ଏଥିପାଇଁ ତାଙ୍କୁ ୩ ବର୍ଷ ଲାଗିଥିଲା। ଏହି ସମୟରେ ମଧ୍ୟରେ ସ୍କୁଟରରେ ସେ ୫୬ ହଜାର ୫୨୨ କିମିରୁ ଅଧିକ ଯାତ୍ରା କରିଥିଲେ। ମାତୃ ସଂକଳ୍ପ ଯାତ୍ରା ୨୦୧୮ ଜାନୁୟାରୀ ୨୦୧୮ରେ ଆରମ୍ଭ କରିଥିଲେ। କୃଷ୍ଣା ଚଲାଉଥିବା ସ୍କୁଟରକୁ ପିତା ୨୦୦୧ରେ ଉପହାରରେ ଦେଇଥିଲେ। ୨୦୧୫ରେ ପିତାଙ୍କ ମୃତ୍ୟୁ ପରେ ସେହି ସ୍କୁଟରରେ ମା’ଙ୍କ ତୀର୍ଥ କରାଇ ନେବାକୁ ଚିନ୍ତା କରିଥିଲେ। ଏହାଦ୍ୱାରା ଉଭୟ ମାତାପିତାଙ୍କୁ ତୀର୍ଥ କରାଇ ନେଇଥିବା ଅନୁଭବ ହେବ ବୋଲି କୃଷ୍ଣା କହିଛନ୍ତି। ଏହି ଯାତ୍ରା ସମୟରେ କୌଣସି ହୋଟେଲରେ ରହି ନ ଥିଲେ କୃଷ୍ଣା ଏବଂ ତାଙ୍କ ମା’। ମଠ, ମନ୍ଦିର ଏବଂ ଧର୍ମଶାଳାରେ ସେମାନେ ରାତ୍ରିଯାପନ କରୁଥିଲେ। ୩ ବର୍ଷର ଯାତ୍ରା ସମୟରେ କୃଷ୍ଣାଙ୍କ ମା’ଙ୍କ ସ୍ବାସ୍ଥ୍ୟବସ୍ଥା ଆଦୌ ଖରାପ ମଧ୍ୟ ହୋଇ ନ ଥିଲା।
