ଚେନ୍ନାଇ,୨୫।୧୨: ଅଭିନେତାରୁ ରାଜନେତା ପାଲଟିଥିବା କମଲ ହାସନଙ୍କୁ ବଡ ଝଟ୍କା ଲାଗିଛି। ତାମିଲନାଡୁର ରାଜଧାନୀ ଚେନ୍ନାଇରେ କେନ୍ଦ୍ର ମନ୍ତ୍ରୀ ତଥା ଭାଜପା ନେତା ପ୍ରକାଶ ଜାଭଡେକରଙ୍କ ଉପସ୍ଥିତିରେ କମଲ ହାସନଙ୍କ ଦଳର ନେତା ମକ୍କଲ ନିଧି ମାୟାମର ନେତା ଅରୁଣାଚଳମ ଭାଜପାରେ ଯୋଗ ଦେଇଛନ୍ତି। ଜାଭଡେକର ତାଙ୍କୁ ଦଳର ସଦସ୍ୟତା ପ୍ରଦାନ କରିଥିଲେ। ସୂଚନାଯୋଗ୍ୟ, ଆସନ୍ତା ବର୍ଷ ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହେବ। ଏହା ପୂର୍ବରୁ ଅରୁଣାଚଳମଙ୍କ ଭାଜପାରେ ସାମିଲ ହେବା କମଲ ହାସନଙ୍କ ପାଇଁ ଏକ ଝଟ୍କା। ଅରୁଣାଚଳମ ମକ୍କାଲ ନିଧିର ପ୍ରତିଷ୍ଠାତା ସାଧାରଣ ସମ୍ପାଦକ ଥିଲେ। ପାର୍ଟି ଆରମ୍ଭ ହେବା ପରଠାରୁ ସେ ହାସନଙ୍କୁ ବହୁତ ସାହାଯ୍ୟ କରୁଥିଲେ।