ଭୋପାଳ,୧୨।୧୧: ମଧ୍ୟପ୍ରଦେଶ ବିଧାନସଭା ନିର୍ବାଚନ ପାଇଁ ଆଉ କିଛି ଦିନ ବାକି ଅଛି। ସମସ୍ତ ରାଜନୈତିକ ଦଳ ନିର୍ବାଚନ ପାଇଁ ପ୍ରସ୍ତୁତ ହୋଇଛନ୍ତି। ଏହା ପୂର୍ବରୁ ରାଜନୈତିକ ଦଳର ନେତାମାନେ ପରସ୍ପରକୁ ଟାର୍ଗେଟ କରୁଛନ୍ତି। କଂଗ୍ରେସ ପରେ ଭାଜପା ମଧ୍ୟ ନିର୍ବାଚନ ସମ୍ପର୍କରେ ନିଜର ଘୋଷଣା ପତ୍ର ଜାରି କରିଛି। ମଧ୍ୟପ୍ରଦେଶର ପୂର୍ବତନ ମୁଖ୍ୟମନ୍ତ୍ରୀ ତଥା କଂଗ୍ରେସ ରାଜ୍ୟ ସଭାପତି କମଲ ନାଥ ଭାଜପା ଘୋଷଣା ପତ୍ରକୁ ନେଇ ଆକ୍ରମଣ କରିଛନ୍ତି। ଚିଣ୍ଡୱାରା ନିର୍ବାଚନ ପ୍ରଚାର ସମୟରେ କମଲ ନାଥ କହିଛନ୍ତି, ଭାଜପାର ଘୋଷଣା ପତ୍ର ମିଛ। ସେମାନଙ୍କର କୌଣସି ନିରପେକ୍ଷ ଚିନ୍ତାଧାରା ନାହିଁ, ଦର୍ଶନ ନାହିଁ, ସେଥିପାଇଁ ସେମାନେ କଂଗ୍ରେସକୁ ନକଲ କରିଛନ୍ତି।
ଭାଜପା ଏହାର ଘୋଷଣା ପତ୍ର ପ୍ରକାଶ କରିଛି। ଏଥିରେ ଗରିବ ଲୋକଙ୍କୁ ପାଞ୍ଚ ବର୍ଷ ପାଇଁ ମାଗଣା ରାସନ ଯୋଗାଇଦେବାକୁ ପ୍ରତିଶୃତି ଦିଆଯାଇଛି। ଏହା ବ୍ୟତୀତ ଭାଜପା ଚାଷୀଙ୍କୁ ଖୁସି କରିବାକୁ ଚେଷ୍ଟା କରିଛି। ଭାଜପା କୃଷକମାନଙ୍କଠାରୁ ଗହମ କ୍ୱିଣ୍ଟାଲ ପିଛା ୨୭୦୦ ଟଙ୍କା ଏବଂ ଧାନ କିଣ୍ଟାଲ ପିଛା ୩୧୦୦ ଟଙ୍କାରେ କିଣିବାକୁ ପ୍ରତିଶୃତି ଦେଇଛି।