ଭୋପାଳ,୨୯।୧୦ : ମଧ୍ୟପ୍ରଦେଶ ରାଜନୀତିରେ ପ୍ରତିଦିନ ଏକ ନୂଆ ରାଜନୈତିକ ନାଟକ ଦେଖିବାକୁ ମିଳୁଛି। ନିର୍ବାଚନରେ ରାମ ମନ୍ଦିର ପ୍ରବେଶ ପରେ ମଧ୍ୟପ୍ରଦେଶ କଂଗ୍ରେସ ମୁଖ୍ୟ ହନୁମାନ ଭକ୍ତ କମଲ ନାଥ ବର୍ତ୍ତମାନ ସୁପର ନାଥରେ ପରିଣତ ହୋଇଛନ୍ତି। କଂଗ୍ରେସ କମଲ ନାଥଙ୍କ ସୁପରମ୍ୟାନ ହେବାର ଅଫିସିଆଲ ଭିଡିଓ ଇନଷ୍ଟାଗ୍ରାମରେ ଶେୟାର କରିଛି। ଭିଡିଓର କ୍ୟାପସନରେ ମଧ୍ୟପ୍ରଦେଶ କଂଗ୍ରେସ ଲେଖିଛି, ହନୁମାନ ଭକ୍ତ କମଲ ନାଥ ସତ୍ୟ ଏବଂ ବିଶ୍ୱାସ ସହିତ ଆସୁଛନ୍ତି। ହାତ ବଢ଼ାନ୍ତୁ, ତାପରେ କମଲ ନାଥ ।
ଭିଡିଓରେ ସୁପରମ୍ୟାନ ଭୂମିକାରେ ଅଭିନୟ କରୁଥିବା କମଲ ନାଥ ମଧ୍ୟପ୍ରଦେଶକୁ ନ୍ୟାୟ ଏବଂ କଲ୍ୟାଣ ଯୋଗାଇବା ପାଇଁ ହନୁମାନଙ୍କଠାରୁ ଶକ୍ତି ମାଗୁଛନ୍ତି। ଭିଡିଓରେ ହନୁମାନ ଜୀ କମଲ ନାଥଙ୍କୁ ଆଶୀର୍ବାଦ କରୁଥିବା ଏବଂ ତଥାସ୍ତୁ କହୁଥିବାର ନଜର ଆସିଛନ୍ତି। କୃଷକଙ୍କ ଋଣ, ମହିଳାଙ୍କ ପାଇଁ ୧୫୦୦ ଟଙ୍କା ଏବଂ ୫୦୦ ଟଙ୍କାରେ ସିଲିଣ୍ଡର, ବିଦ୍ୟୁତ ବିଲ ଛାଡ, ବେକାରୀ, ପଛୁଆ ବର୍ଗଙ୍କ ପାଇଁ ସଂରକ୍ଷଣ, ମହାକାଳ ମନ୍ଦିର ଦୁର୍ନୀତି, ଆଦିବାସୀଙ୍କ ଉପରେ ଅତ୍ୟାଚାର, ମହିଳାଙ୍କ ଉପରେ ହେଉଥିବା ଅତ୍ୟାଚାରରୁ ମୁକ୍ତି ଦେବା ବିଷୟରେ ସୁପରନାଥ କହୁଛନ୍ତି। ଏହି ଭିଡିଓ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
सच्चाई और विश्वास के साथ,
आ रहे हनुमानभक्त कमलनाथ।“बढ़ाइये हाथ, फिर कमलनाथ” pic.twitter.com/wZsym11fRF
— MP Congress (@INCMP) October 29, 2023
