କାଠମାଣ୍ଡୁ, ୨୪ା୫: ବର୍ଷୀୟାନ ପର୍ବତାରୋହୀ କାମି ରୀତା ଶେର୍ପା ମଙ୍ଗଳବାର ୨୮ତମ ଥର ଏଭେରେଷ୍ଟ ଆରୋହଣ କରି ତାଙ୍କର ପୂର୍ବ ରେକର୍ଡକୁ ଭାଙ୍ଗିଛନ୍ତି। ସର୍ବାଧିକ ଥର ବିଶ୍ୱର ସର୍ବୋଚ୍ଚ ଗିରିଶୃଙ୍ଗ ଏଭେରେଷ୍ଟ ଆରୋହଣ କରିବାରେ ଏହା ବିଶ୍ୱ ରେକର୍ଡ। ପର୍ବତାରୋହୀମାନଙ୍କ ଗାଇଡ୍ ଭାବେ କାର୍ଯ୍ୟ କରୁଥିବା ୫୩ ବର୍ଷୀୟା କାମି ରୀତା ମଙ୍ଗଳବାର ସକାଳ ୯ଟା ୨୦ ମିନିଟ ସମୟରେ ଏଭେରେଷ୍ଟର ୮୮୪୮.୮୬ ମିଟର ଉଚ୍ଚରେ ପହଞ୍ଚତ୍ଥିଲେ। ଉକ୍ତ ପର୍ବତାରୋହଣ ଅଭିଯାନ ଆୟୋଜନ କରିଥିବା ସେଭେନ୍ ସମିଟ୍ ଟ୍ରେକ୍ ଏକ୍ସପେଡିଶନ ମ୍ୟାନେଜର ଛାଙ୍ଗ ଦାଓ୍ବା ଶେର୍ପା ଏହି ସୂଚନା ଦେଇଛନ୍ତି। ଚଳିତ ମାସରେ କାମି ରୀତା ଦୁଇଥର ଏଭେରେଷ୍ଟ ଆରୋହଣ କରିଛନ୍ତି। ଗତ ୧୭ ତାରିଖରେ ସେ ୨୭ତମ ଥର ଏହି ସଫଳତା ହାସଲ କରିଥିଲେ। ସୋମବାର ଅନ୍ୟତମ ଶେର୍ପା ଗାଇଡ୍ ପାସାଙ୍ଗ ଦାଓ୍ବା ୨୭ତମ ଏଭରେଷ୍ଟ ଆରୋହଣ କରିଥିଲେ।
ପୂର୍ବ ନେପାଳର ସୋଲୁଖୁମ୍ବୁ ଜିଲା ବାସିନ୍ଦା କାମି ରୀତା ପ୍ରଥମେ ୧୯୯୪ ମେ’ ୧୩ରେ ଏଭେରେଷ୍ଟରେ ପହଞ୍ଚତ୍ଥିଲେ। କାଠମାଣ୍ଡୁସ୍ଥିତ ସେଭେନ୍ ସମିଟ୍ ଟ୍ରେକ୍ସରେ ସେ ବରିଷ୍ଠ ଆରୋହଣ ଗାଇଡ୍ ଭାବେ କାର୍ଯ୍ୟ କରନ୍ତି। ସେ ଏଭେରେଷ୍ଟ ବ୍ୟତୀତ ମାଉଣ୍ଟ କେ୨, ମାଉଣ୍ଟ ଲୋଟ୍ସେ, ମାଉଣ୍ଟ ମାନାସ୍ଲୁ ଏବଂ ମାଉଣ୍ଟ ଚୋ ଓୟୁ ଆରୋହଣ କରିଛନ୍ତି।