ଇସଲାମାବାଦ,୭।୨: ଅନ୍ତର୍ଜାତୀୟ କ୍ରିକେଟରୁ ଅବସର ଘୋଷଣା କଲେ ପାକିସ୍ତାନର ଉଇକେଟକିପର୍ ବ୍ୟାଟ୍ସମ୍ୟାନ୍ କାମରାନ ଆକମଲ। ଦୀର୍ଘ ସମୟରୁ ସେ ଦଳରୁ ବାଦ୍ ପଡ଼ିଥିବା ବେଳେ ପାକିସ୍ତାନ ସୁପର ଲିଗ୍ ସମେତ ଅନ୍ୟାନ୍ୟ ଲିଗ୍ରେ ଖେଳିବା ଜାରି ରଖିଥିଲେ। ହେଲେ ଏବେ ସେ ଅନ୍ତର୍ଜାତୀୟ କ୍ରିକେଟ ଛଡ଼ା ଅନ୍ୟ ସମସ୍ତ ଫର୍ମାଟରୁ ବିଦାୟ ନେବାକୁ ନିଷ୍ପତ୍ତି ନେଇଛନ୍ତି।
କାମରାନ ନଭେମ୍ବର ୯, ୨୦୦୨ରେ ଜିମ୍ବାଓ୍ବେ ବିପକ୍ଷରେ ଟେଷ୍ଟ ଡେବ୍ୟୁ କରିଥିଲେ। ଅଗଷ୍ଟ ୨୦୧୦ ଲର୍ଡସରେ ଇଂଲଣ୍ଡ ବିପକ୍ଷରେ ନିଜର ଶେଷ ଟେଷ୍ଟ ମ୍ୟାଚ୍ ଖେଳିଥିଲେ। ତାଙ୍କ ଟି୨୦ କ୍ୟାରିୟରକୁ ଦେଖିଲେ ସେ ଅଗଷ୍ଟ ୨୮,୨୦୦୬ରେ ଅନ୍ତର୍ଜାତୀୟ ଟି୨୦ରେ ଡେବ୍ୟୁ କରିଥିଲେ। ଏପ୍ରିଲ ୨, ୨୦୧୭ରେ ଓ୍ବେଷ୍ଟଇଣ୍ଡିଜ ବିପକ୍ଷରେ ସେ ଶେଷ ଟି୨୦ ମ୍ୟାଚ୍ ଖେଳିଥିଲେ। ନଭେମ୍ବର ୨୩,୨୦୦୨ ଜିମ୍ବାଓ୍ବେ ଦିନିକିଆରେ ସେ ଡେବ୍ୟୁ କରିଥିଲେ।
ତେବେ କ୍ରିକେଟରୁ ଅବସର ନେବା ପରେ କାମରନ୍ଙ୍କୁ ନୂଆ ଦାୟିତ୍ୱ ମିଳିଛି। ପାକିସ୍ତାନ ସୁପର ଲିଗ୍ରେ ପେଶାଓ୍ବାର ଜାଲିମି ଦଳ ଲାଗି ସେ ବ୍ୟାଟିଂ ପରାମର୍ଶଦାତା ଭାବେ ନିଯୁକ୍ତି ପାଇଛନ୍ତି।