ଲକ୍ଷ୍ନୌ,୪।୧: କଂଗ୍ରେସ ନେତା ରାହୁଲ ଗାନ୍ଧୀଙ୍କ ନେତୃତ୍ୱାଧୀନ ଭାରତ ଯୋଡୋ ଯାତ୍ରା ୟୁପିରେ ବାଗପତରେ ପହଞ୍ଚିଛି। ଏଠାରେ ଟିଭି ଅଭିନେତ୍ରୀ କାମ୍ୟା ପଞ୍ଜାବୀ ଏହି ଯାତ୍ରାରେ ସାମିଲ ହୋଇଥିଲେ। ରାହୁଲଙ୍କ ସହ କାମ୍ୟା ପଞ୍ଜାବୀଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇଛି। ଫଟୋରେ ରାହୁଲ ଗାନ୍ଧୀ ଏକ ଧଳା ଟି-ଶର୍ଟ ଏବଂ କାମ୍ୟା ଏକ ପଞ୍ଜାବୀ ଧଳା ରଙ୍ଗର ଶୁଟରେ ନଜର ଆସିଛନ୍ତି।
କାମ୍ୟା ପଞ୍ଜାବୀ ‘ଅସ୍ତିତ୍ୱ ଏକ ପ୍ରେମ କାହାନୀ’, ‘ବନୁ ମେଁ ତେରି ଦୁଲହନ’, ‘ପିୟା କା ଘର’, ‘ମର୍ଯ୍ୟାଦା: ଲେକିନ କବ ତକ’ ଏବଂ ‘କୁଁ୍ୟ ହୋତା ହୈ ପ୍ୟାର୍’ ଭଳି ଅନେକ ଲୋକପ୍ରିୟ ଟିଭି ଶୋ’ରେ ଅଭିନୟ କରିଛନ୍ତି। ଏଥି ସହିତ ସେ ରିଆଲିଟି ଶୋ’ ବିଗ ବସର ସପ୍ତମ ସିଜନରେ ମଧ୍ୟ ଅଂଶଗ୍ରହଣ କରିଥିଲେ।
