ନୂଆଦିଲ୍ଲୀ,୧୮।୧୧: ନଭେମ୍ବର ୨୭ରେ ଭାରତ ଅଷ୍ଟ୍ରେଲିଆ ମଧ୍ୟରେ ପ୍ରଥମ ଏକଦିବସୀୟ ମ୍ୟାଚ୍ ଖେଳାଯିବ। ଏହାର ଦଶ ଦିନ ପୂର୍ବରୁ ଅଷ୍ଟ୍ରେଲିୟ ଦଳକୁ ବଡ଼ ଝଟକା ଲାଗିଛି। ଦଳର ପ୍ରମୁଖ ବୋଲର କେନ୍ ରିଚାର୍ଡସନ ସିିରିଜରୁ ବାହାର ହୋଇଛନ୍ତି।
କେନ୍ ସୀମିତ ଓଭର ମ୍ୟାଚ୍ ଏକଦିବସୀୟ ଏବଂ ଟି-୨୦ ସିରିଜ୍ରେ ଖେଳିବାର ଥିଲା। ହେଲେ ସେ ନିକଟରେ ବାପା ହୋଇଛନ୍ତି। ଏଣୁ ସେ କିଛି ସମୟ ପରିବାର ସହ ବିତାଇବାକୁ ଚାହିଁଛନ୍ତି। କ୍ରିକେଟ ଅଷ୍ଟ୍ରେଲିଆ ଏଥିପ୍ରତି ମଞ୍ଜୁରୀ ଦେବା ସହ ତାଙ୍କ ସ୍ଥାନରେ ଦ୍ରୁତ ବୋଲର ଆଣ୍ଡ୍ରୁ ଟାଏଙ୍କୁ ସାମିଲ କରିଛି।
ବୁଧବାର କ୍ରିକେଟ ଅଷ୍ଟ୍ରେଲିଆର ନ୍ୟାଶନାଲ ସିଲେକ୍ଟର ଟ୍ରେଭଲ ହନ୍ସ କହିଛନ୍ତି, କେନ୍ଙ୍କ ପାଇଁ ଏହା କଠିନ ନିଷ୍ପତ୍ତି ଥିଲା। ହେଲେ ଚୟନକର୍ତ୍ତା ଏବଂ ଟିମ୍ ପକ୍ଷରୁ ତାଙ୍କୁ ସମର୍ଥନ କରାଯାଇଛି।