ନୂଆଦିଲ୍ଲୀ,୩।୧୨:ରାଜସ୍ଥାନ, ମଧ୍ୟପ୍ରଦେଶ, ତେଲଙ୍ଗାନା ଏବଂ ଛତିଶଗଡ ୨୦୨୩ ରାଜ୍ୟ ବିଧାନସଭା ନିର୍ବାଚନ ଫଳାଫଳ ପ୍ରକାଶ ପାଇଛି। ରାଜସ୍ଥାନ, ମଧ୍ୟପ୍ରଦେଶ ଏବଂ ଛତିଶଗଡରେ ଭାଜପା ବିଜୟ ନିକଟତର ହୋଇଛି। ତିନୋଟି ରାଜ୍ୟରେ ଭାଜପାର ବିଜୟ ଉତ୍ସବ ପାଳନ କରି କଙ୍ଗନା ରାନାୱତ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଇନଷ୍ଟାଗ୍ରାମରେ ଶେୟାର କରିଛନ୍ତି। ଏଥିସହ ଅଭିନେତ୍ରୀଙ୍କ କ୍ୟାପସନ ପ୍ରଶଂସକଙ୍କ ଦୃଷ୍ଟି ଆକର୍ଷଣ କରୁଛି।
ତିନୋଟି ରାଜ୍ୟରେ ଭାଜପାର ବିଜୟ ଉତ୍ସବ ପାଳନ କରି କଙ୍ଗନା ରାନାୱତ ଏକ୍ସରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଫଟୋ ଶେୟାର କରିଛନ୍ତି। ସେ ହିନ୍ଦୀରେ ଫଟୋ ସହିତ ‘ଭଗବାନ ରାମ ଆସିଗଲେ’ ବୋଲି ଲେଖିଛନ୍ତି। ଏହା ସହିତ ଅଭିନେତ୍ରୀ ହ୍ୟାସଟ୍ୟାଗ ନିର୍ବାଚନ ଫଳାଫଳକୁ ମଧ୍ୟ ବ୍ୟବହାର କରିଛନ୍ତି।