ମୁମ୍ବାଇ: ବଲିଉଡ୍ କୁଇନ୍ କଙ୍ଗନା ରାନାଓ୍ବତ କିଛି ନା କିଛି କାରଣ ପାଇଁ ଅଧିକାଂଶ ସମୟ ଥାଆନ୍ତି ଚର୍ଚ୍ଚାରେ। ବିଶେଷ କରି କିଛି ଘଟଣାକୁ ନେଇ ଏବେ ସେ ଖୋଲା ଖୋଲି କଥା ହେଉଥିବାରୁ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି। ଏଥର ସେ ତାଙ୍କ ଏକ୍ସ ପୟଫ୍ରେଣ୍ଡ କୁହାଯାଉଥିବା ବଲିଉଡ୍ ନାୟକ ହ୍ରିତିକ ରୋଶନଙ୍କ ଉପରେ ଖୁବ୍ ବର୍ଷିଛନ୍ତି। ନିକଟରେ ସେ ଦେଇଥିବା ଏକ ସାକ୍ଷାତ୍କାରରେ କହିଛନ୍ତି ମୋ ଏକ୍ସ ବୟଫ୍ରେଣ୍ଡ ମୋତେ ଅତିତରେ ଲୋଭି ବୋଲି କହି ବହୁତ ବଦନାମ କରିଥିଲେ। ଏମିତିକି ସେ ମୋ ଉପରେ Gold Diggerର ଟ୍ୟାଗ୍ ଲଗାଇ ଦେଇଥିଲେ ବୋଲି କଙ୍ଗନା କହିଛନ୍ତି। ସେ ଆହୁରି ମଧ୍ୟ କହିଛନ୍ତି ଯେତେବେଳେ ମୁଁ ମୋ ବଲିଉଡ୍ ଯାତ୍ରାକୁ ଦେଖେ ସେତେବେଳେ ମୋତେ ଗର୍ବ ଅନୁଭବ ହୁଏ। କାରଣ ଯେତେବେଳେ ମୁଁ କାମ ଆରମ୍ଭ କରିଥିଲି ସେତେବେଳେ ମୋର କିଛି ବଡ ବଡ ସ୍ବପ୍ନ ନ ଥିଲା। ହେଲେ ଆଜି ମୁଁ ମୋ ପରିଶ୍ରମରେ ଠିଆ ହୋଇ ପାରିଛି ଓ ନିଜ ପାଇଁ ଏକ ସୁନ୍ଦର ଘର କରିପାରିଛି ବୋଲି କଙ୍ଗନା କହିଛନ୍ତି । ହେଲେ ଯିଏ (ହ୍ରିତିକ)ମୋତେ ଲୋଭି ବୋଲି କହୁଥିଲେ ସେ ଏବେ ଭଡା ଘରେ ରହୁଛନ୍ତି। ଆଉ ସେ ଭଡା ଟଙ୍କା ତାଙ୍କ ବାପା ଭରଣା କରୁଛନ୍ତି।
