ବମ୍ବେ: ଟୁଇଟର୍କୁ ଫେରିଲେ ବଲିଉଡ୍ ଅଭିନେତ୍ରୀ କଙ୍ଗନା ରାଣାଓ୍ବତ। ସର୍ବଦା ନିଜର ବୟାନକୁ ନେଇ ବିବାଦକୁ ଆସୁଥିବା କଙ୍ଗନାଙ୍କ ଆକାଉଣ୍ଟ ପୁଣିଥରେ କାର୍ଯ୍ୟକ୍ଷମ ହୋଇଛି। ଫେରିବା ପରେ ସେ ନିଜର ବହୁ ପ୍ରତିକ୍ଷିତ ଫିଲ୍ମ ‘ଏମରଜେନ୍ସି’କୁ ନେଇ ବଡ଼ ଘୋଷଣା କରିଛନ୍ତି। ଫିଲ୍ମର ଶୁଟିଂ ଶେଷ ହୋଇଥିବାରୁ ଅଭିନେତ୍ରୀ ଏହାର ରିଲିଜ ତାରିଖ ବିଷୟରେ ସମସ୍ତଙ୍କୁ ଜଣାଇଛନ୍ତି।
ପ୍ରଥମ ଟୁଇଟ ଭାବେ ଟୁଇଟରକୁ ଫେରି ବହୁତ ଖୁସି ଲାଗୁଥିବା କଙ୍ଗନା କହିଥିଲେ। ଏହାପରେ ନିଜର ଫିଲ୍ମର ‘ବିହାଇଣ୍ଡ ଦ ସିନ୍’ର ଏକ ଭିଡିଓ ଶେୟାର କରି ସେ ଆଉ ଏକ ଟୁଇଟ୍ କରିଛନ୍ତି। ଅକ୍ଟୋବର ୨୦ରେ ଫିଲ୍ମ ‘ଏମରଜେନ୍ସିଂ’ ରିଲିଜ ହେବ ବୋଲି ସେ ଜଣାଇଛନ୍ତି।
୨୦୨୧ରେ ସୋସିଆଲ ମିଡିଆ ପ୍ଲାଟଫର୍ମ ଟୁଇଟରର ନିୟମ ଉଲ୍ଲଂଘନ କରିବାକୁ ନେଇ କଙ୍ଗନାଙ୍କ ଆକାଉଣ୍ଟକୁ ବ୍ୟାନ୍ କରିଦିଆଯାଇଥିଲା। ଏହାପରେ ସେ ପ୍ରାୟ ଦୁଇ ବର୍ଷ ପରେ ଏହି ପ୍ଲାଟଫର୍ମକୁ ଫେରିଛନ୍ତି।