ମୁମ୍ବାଇ: ୬୭ ତମ ଜାତୀୟ ଫିଲ୍ମ ପୁରସ୍କାର ବିତରଣ ଉତ୍ସବରେ ଉପରାଷ୍ଟ୍ରପତି ଭେଙ୍କୟା ନାଇଡୁ ସୋମବାର ବଲିଉଡ୍ ଅଭିନେତ୍ରୀ କଙ୍ଗନା ରଣାୱତଙ୍କୁ ସମ୍ମାନିତ କରିଛନ୍ତି। ଫିଲ୍ମ ‘ମଣିକର୍ଣ୍ଣିକା’ ଏବଂ ‘ପଙ୍ଗା’ରେ ଅଭିନୟ ପାଇଁ କଙ୍ଗନା ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି। ତେବେ ଚତୁର୍ଥ ଥର ଜାତୀୟ ପୁରସ୍କାର ପାଇବା ପରେ ସେ ଇନଷ୍ଟାଗ୍ରାମରେ ବାପା, ମା’ଙ୍କ ସହ ଫଟୋ ଶେୟାର କରି ଧନ୍ୟବାଦ ଜଣାଇଛନ୍ତି ।
୨୦୦୮ରେ ‘ଫ୍ୟାଶନ’ ପାଇଁ ଶ୍ରେଷ୍ଠ ସହାୟକ ଅଭିନେତ୍ରୀ, ୨୦୧୫ ରେ ‘ତନୁ ୱେଡ୍ସ ମନୁ ରିଟର୍ନସ’, ୨୦୧୪ରେ ‘କ୍ୱିନ’, ଆଉ ଏବେ ‘ମଣିକର୍ଣ୍ଣିକା’ ଏବଂ ‘ପଙ୍ଗା’ ପାଇଁ ସେ ଶ୍ରେଷ୍ଠ ଅଭିନେତ୍ରୀ ପୁରସ୍କାର ପାଇଛନ୍ତି ।