ବମ୍ବେ: ପାକିସ୍ତାନ ବିପକ୍ଷରେ କଟୁ ମନ୍ତବ୍ୟ ଦେଇଥିବା ଗୀତିକାର ଜାଭେଦ୍ ଅଖତରଙ୍କ ସମର୍ଥନରେ ବାହାରିଛନ୍ତି ବଲିଉଡ୍ର କୁଇନ୍ କଙ୍ଗନା ରାଣାଓ୍ବତ। ଜାଭେଦଙ୍କ କବିତା ପଢ଼ିବା ପରେ ତାଙ୍କ ଉପରେ କିଭଳି ମା’ ସରସ୍ବତୀଙ୍କ କୃପା ରହିଥିବା ଚିନ୍ତା କରୁଥିଲି। ହେଲେ କିଛି ତ ସତ୍ୟତା ରହିଛି ମଣିଷ ମଧ୍ୟରେ। ଜୟ ହିନ୍ଦ ଜାଭେଦ ଅଖତର ସାହେବ। ଘରେ ପଣି ଆପଣ ଆକ୍ରମଣ କରିଛନ୍ତି ବୋଲି ଏକ ପୋଷ୍ଟ ଲେଖି କଙ୍ଗନା କହିଛନ୍ତି।
ପାକିସ୍ତାନର ଏକ କାର୍ଯ୍ୟକ୍ରମରେ ଯୋଗଦେଇ ୨୬/୧୧ ଆତଙ୍କବାଦୀ ଆକ୍ରମଣର ଅଭିଯୁକ୍ତ ଏବେ ବି ଖୋଲା ଖୋଲି ବୁଲୁଥିବା ଅଖତର କହିଥିଲେ। ଏହାକୁ ନେଇ ଭାରତରେ ତାଙ୍କର ପ୍ରଶଂସା କରାଯାଉଛି।
କହିରଖୁଛ,୨୦୨୦ରେ ଅଖତର କଙ୍ଗନାଙ୍କ ବିରୋଧରେ ମାନହାନି ମକଦ୍ଦମା ରୁଜୁ କରିଥିଲେ। ସୁଶାନ୍ତ ସିଂହ ରାଜପୁତଙ୍କ ମୃତ୍ୟୁ ପରେ ଟେଲିଭିଜନ ସାକ୍ଷାତ ଦେବାକୁ ଯାଇ କଙ୍ଗନା ତାଙ୍କ ବିଷୟରେ ଆପତ୍ତିଜନକ କଥା କହିଥିବା ସେ ଅଭିଯୋଗ କରିଥିଲେ। ଏହାପରେ କଙ୍ଗନା ମଧ୍ୟ ତାଙ୍କ ଉପରେ ଗମ୍ଭୀର ଅଭିଯୋଗ ଆଣିଥିଲେ। ସେବେଠାରୁ ଉଭୟଙ୍କ ମଧ୍ୟରେ ବିବାଦ ଲାଗି ରହିଛି। ଏହାସତ୍ତ୍ୱେ ଅଖତରଙ୍କ ପ୍ରଶଂସା କଙ୍ଗନା କରିଥିବାରୁ ଏହା ଚର୍ଚ୍ଚାର ବିଷୟ ପାଲଟିଛି।