ମୁମ୍ବାଇ: ମହାରାଷ୍ଟ୍ରର ଉଦ୍ଧବ ଠାକରେ ସରକାରଙ୍କ ବିରୋଧରେ ପୂର୍ବରୁ ସ୍ୱର ଉଠାଇଥିବା ବଲିଉଡ୍ ନାୟିକା କଙ୍ଗନା ରାନାୱତ ପୁଣିଥରେ ଠାକରେଙ୍କ ଉପରେ ଖପ୍ପା ହୋଇଛନ୍ତି । ଏକ ଟୁଇଟ୍ ମାଧ୍ୟମରେ ଉଦ୍ଧବ ସରକାରଙ୍କୁ ଟାର୍ଗେଟ କରିଛନ୍ତି କଙ୍ଗନା । କଙ୍ଗନାଙ୍କୁ କୋର୍ଟରୁୁ ଝଟକା ଲାଗିବା ପରେ ସେ ଟୁଇଟ୍ କରି ବର୍ଷିଛନ୍ତି । ମୁମ୍ବାଇରେ ତାଙ୍କ ଘର ଭାଙ୍ଗିବାକୁ ନେଇ ସେ କୋର୍ଟରେ ଯେଉଁ ଆବେଦନ କରିଥିଲେ ଶନିବାର କୋର୍ଟ ପକ୍ଷରୁ ତାଙ୍କ ଆବେଦନକୁ ଖାରଜ କରି ଦିଆଯାଇଛି । ବେଆଇନ ଭାବେ ସେ ଘର ନିର୍ମାଣ କରିବା ସହ ୩ଟି ଫ୍ଲାଟକୁ ମିଶାଇ ଦେଇଥିବା କୋର୍ଟ ଦର୍ଶାଇଛନ୍ତି । ଏହାପରେ କଙ୍ଗନା କହିଛନ୍ତି ଏହା ମହାରାଷ୍ଟ୍ରର ମହାବିନାଶକରୀ ସରକାରଙ୍କ ଫେକ୍ ପ୍ରୋପାଗଣ୍ଡା । ମୁଁ କୌଣସି ଫ୍ଲାଟକୁ ମିଶାଇ ନାହିଁ । ସମ୍ପୂର୍ଣ୍ଣ ଘରଟି ଏମିତି ନିର୍ମାଣ କରାଯାଇଛି । ପ୍ରତି ଫ୍ଲୋରରେ ଗୋଟିଏ ଆପାର୍ଟମେଣ୍ଟ ରହିଛି । ବିଏମ୍ସି ମୋତେ ଏହାକୁ ନେଇ ପ୍ରତାରଣା ଦେଇ ଆସୁଛି । ମୁଁ ପୁଣିଥରେ ଉଚ୍ଚ ନ୍ୟାୟଳୟକୁ ଯିବି ବୋଲି କଙ୍ଗନା କହିଛନ୍ତି । ସୂଚନାଯୋଗ୍ୟ, ୨୦୧୮ ମାର୍ଚ୍ଚରେ ବିଏମ୍ସି ବେଆଇନ ଭାବେ ଗୃହ ନିର୍ମାଣକୁ ନେଇ କଙ୍ଗନାଙ୍କ ନାଁରେ ନୋଟିସ ଜାରି କରିଥିଲା ।
