ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ସୋସିଆଲ ମିଡିଆରେ ଛାଇ ହୋଇ ରହିଥାଆନ୍ତି । ସେ ସବୁବେଳେ ଟୁଇଟ ଜରିଆରେ ବିବାଦରେ ରହୁଥିବା ବେଳେବେଳେ ନିଜ ପର୍ସନାଲ ଲାଇଫକୁ ଶେୟାର କରି ଫ୍ୟାନ୍ସକୁ ଖୁସ୍ କରି ଦେଇଥାଆନ୍ତି । ଏବେ ଅଭିନେତ୍ରୀ ତାଙ୍କ ମାଆଙ୍କ କଥା କହିଛନ୍ତି । କଙ୍ଗନାଙ୍କ ମାଆ ଏକ ସରକାରୀ ସ୍କୁଲରେ ସଂସ୍କୃତ ଟିଚର ଥିଲେ । କଙ୍ଗନା ତାଙ୍କ ମାଆଙ୍କ ସହ କ୍ଷେତରେ କାମ କରୁଥିବାର ଏକ ଫଟୋ ଟୁଇଟରରେ ଶେୟାର କରିଥିଲେ । ଏହାକୁ ନେଇ ଜଣେ ୟୁଜର କମେଣ୍ଟ ଦେବା ପରେ ଏବେ କଙ୍ଗନା ଏହାର ଉତ୍ତର ଦେଇଛନ୍ତି ।
ୟୁଜର ଜଣକ କମେଟ କରିଥିଲେ କି କୋଟିପତି ହେବା ପରେ ବି କଙ୍ଗନାଙ୍କ ମାଆ କ୍ଷେତରେ କାମ କରୁଛନ୍ତି । ଏତେ ସଂସ୍କାର ସେ ପାଇଲେ କେଉଁଠୁ । କଙ୍ଗନା ସୋମବାର ତାଙ୍କ ଅଫିସିୟାଲ ଟୁଇଟର ହ୍ୟାଣ୍ଡେଲରେ ଏହାର ଜବାବ ଦେଇଛନ୍ତି । ସେ ଲେଖିଛନ୍ତି ଦୟାକରି ଧ୍ୟାନ ଦିଅନ୍ତୁ ମୋ ମାଆ ମୋ ପାଇଁ କୋଟିପତି ହୋଇ ନାହାନ୍ତି । ମୁଁ ପଲିଟିସିଆନ, ବ୍ୟୁେରୋକ୍ରେଟସ ଓ ବିଜନେସମ୍ୟାନ ଫ୍ୟାମିଲିରୁ ଆସିଛି । ମାଆ ୨୫ ବର୍ଷରୁ ଊର୍ଦ୍ଧ୍ୱ ସମୟ ଧରି ଶିକ୍ଷକତା କରିଛନ୍ତି । ଫିଲ୍ମ ମାଫିଆ ବୁଝିବା ଦରକାର ମୁଁ କେଉଁଠୁ ଆସିଛି ଆଉ ମୁଁ ସେମାନଙ୍କ ଭଳି ଘଟିଆ ଡ୍ୟାନ୍ସ କାହିଁକି କରେ ନାହିଁ ।
ସୂଚନାଯୋଗ୍ୟ, କଙ୍ଗନା ନିକଟରେ ତାଙ୍କ ମାଆଙ୍କ ସହ କ୍ଷେତରେ କାମ କରିବାର ଏକ ଫଟୋ ଶେୟାର କରି ଲେଖିଥିଲେ, ମୋ ମାଆଙ୍କୁ କ୍ଷେତରେ କାମ କରିବା ପସନ୍ଦ, ଘରର ଖାଦ୍ୟ ପସନ୍ଦ, ସେ ବାହାରର ଖାଦ୍ୟ ଖଆନ୍ତି ନାହିଁ, ବିଦେଶ ଯିବାକୁ ପସନ୍ଦ କରନ୍ତି ନାହିଁ, ଶୁଟିଂ ସେଟକୁ ଯିବାକୁ ପସନ୍ଦ କରନ୍ତି ନାହିଁ, ମୁମ୍ବାଇରେ ରହିବାକୁ ଭଲ ପାଆନ୍ତି ନାହିଁ । ଆଉ ଯଦି କେହି ତାଙ୍କୁ ଏସବୁ କରିବାକୁ ବାଧ୍ୟକରେ ତେବେ ଗାଳି ଶୁଣିବାକୁ ପଡିଥାଏ ।