ମୁମ୍ବାଇ: ବଲିଉଡ ଅଭିନେତ୍ରୀ କଙ୍ଗନା ରାନାୱତ ସୋସିଆଲ ମିଡିଆରେ ଖୁବ୍ ଆକ୍ଟିଭ । ପ୍ରାୟ ସବୁ ପ୍ରସଙ୍ଗକୁ ନେଇ ସେ ତାଙ୍କ ବେକାବୁ ବୟାନ ଦେଇ ଆସିଥାଆନ୍ତି ଚର୍ଚ୍ଚକୁ । ଅନେକ ସମୟରେ ସେ ସୋସିଆଲ ମିଡିଆରେ ତାଙ୍କ ଫଟୋ ବି ଶେୟାର କରିଥାଆନ୍ତି ପ୍ରଶଂସକଙ୍କ ପାଇଁ । ଗୁରୁବାର ଅଭିନେତ୍ରୀ ଇନଷ୍ଟାଗ୍ରାମରେ ଦିନର ଆରମ୍ଭରୁ ଫଟୋର ସିରିଜ ଶେୟାର କରି ଲେଖିଛନ୍ତି, ୟଙ୍ଗ ଡେଜରେ ସେ ମଧୁବାଲାଙ୍କ ଭଳି ଦେଖାଯାଉଥିଲେ ।
କଙ୍ଗନା ମୋଗଲ-ଏ-ଆଜମ ଆକ୍ଟ୍ରେସଙ୍କ ସହ ତାଙ୍କ ଫଟୋ କୋଲାଜ କରି ଶେୟାର କରିଛନ୍ତି ଆଉ ଲେଖିଛନ୍ତି, ଯେମିତି ଦର୍ଶକେ କହୁଛନ୍ତି ଯେ ମୁଁ ବଡ ପରଦାରେ ମଧୁବାଲାଙ୍କ ଚରିତ୍ରରେ କାମ କରେ, ଯେତେବେଳେ ମୁଁ ମୋ କ୍ୟାରିୟର ଆରମ୍ଭ କରିଥିଲି ସେତେବେଳେ ମୁଁ ମଧୁବାଲାଙ୍କ ଯବାନି ଦିନର କପି ଲାଗୁଥିଲି, ହେଲେ ଏବେ ଏହା ମୋତେ ଜଣାନାହିଁ ।
ଏହାସହ କଙ୍ଗନା ତାଙ୍କ କ୍ୟାରିୟର ଆରମ୍ଭର କିଛି ଫଟୋ ବି ଶେୟାର କରିଛନ୍ତି । ଗୋଟିଏ ଫଟୋରେ କଙ୍ଗନା ଲେଖିଛନ୍ତି, ହେ ଭଗବାନ ଏହା ଫିଲ୍ମ ଇଣ୍ଡଷ୍ଟ୍ରିରେ ମୋର ପ୍ରଥମ ବର୍ଷ
ସୂଚନାଯୋଗ୍ୟ, ମଧୁବାଲା ୧୯୪୦, ୫୦ ଓ ୬୦ ଦଶକରେ ଫିଲ୍ମ ଇଣ୍ଡଷ୍ଟ୍ରିର ସବୁଠାରୁ ବଡ ସୁପରଷ୍ଟାରଙ୍କ ମଧ୍ୟରୁ ଜଣେ ଥିଲେ । ଦିଲିପ କୁମାରଙ୍କ ସହ ୧୯୬୦ରେ ତାଙ୍କର ମୁଭି ‘ମୁଗଲ-ଏ-ଆଜମ’ ଭାରତରେ ନିର୍ମାଣ କରାଯାଇଥିବା ସବୁଠାରୁ ବଡ ଫିଲ୍ମ ମଧ୍ୟରୁ ଗୋଟିଏ ଥିଲା । ଆହୁରି କିଛି ହିଟ୍ ଫିଲ୍ମ ମଧ୍ୟ ଭେଟିଦେଇଛନ୍ତି ମଧୁବାଲା ।
