ବରଗଡ଼,୨।୧(ପ୍ରେମାନନ୍ଦ ଖମାରୀ):ବୃହତ୍ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବରେ ସର୍ଲା ଗ୍ରାମର ଭୁବନେଶ୍ୱର ପ୍ରଧାନ ଏଥର କଂସ ଅଭିନୟ କରିବେ। ତେବେ ଧନୁଯାତ୍ରାକୁ ଆଉମାତ୍ର ୨ଦିନ ବାକି ରହି ଥିବାବେଳେ ବୁଧବାର ପୂର୍ବାହ୍ନ ପ୍ରାୟ ୧୦ଟାରେ କଂସ ଅଭିନେତା ଭୁବନେଶ୍ୱର ସସ୍ତ୍ରୀକ ବରଗଡ଼ ଘରୋଇ ବସଷ୍ଟାଣ୍ଡ ନିକଟ ସହରାଞ୍ଚଳ ବାସହୀନଙ୍କ ଆଶ୍ରୟସ୍ଥଳୀରେ ପହଞ୍ଚତ୍ଥିଲେ। ଆଶ୍ରୟସ୍ଥଳୀରେ ରହୁଥିବା ସମସ୍ତ ଅନ୍ତେବାସୀ ତାଙ୍କୁ ପୁଷ୍ପ ମାଲ୍ୟାର୍ପଣ ସହିତ ହରିବୋଲ, ହୁଳହୁଳି ଦେଇ ସ୍ବାଗତ କରିଥିଲେ। ଏହା ସହିତ ଆସନ୍ତା ଧନୁଯାତ୍ରା ମହୋତ୍ସବରେ ଉତ୍ତମ ଅଭିନୟ ପାଇଁ ଅନ୍ତେବାସୀମାନେ କଂସ ଅଭିନେତା ଭୁବନେଶ୍ୱରଙ୍କୁ ଆଶୀର୍ବାଦ ପ୍ରଦାନ କରିଥିଲେ। କଂସ ଅଭିନେତା ଭୁବନେଶ୍ୱର ଆଶ୍ରୟସ୍ଥଳୀରେ ରହୁଥିବା ସମସ୍ତ ଅନ୍ତେବାସୀଙ୍କୁ ଶୀତବସ୍ତ୍ର ଏବଂ ଉପାୟନ ପ୍ରଦାନ କରିଥିଲେ। ସେହିପରି ଅନ୍ତେବାସୀଙ୍କ ସହିତ ଭୁବନେଶ୍ୱରଙ୍କ ଭାବ ବିନିମୟ ହୋଇଥିଲା। ଅନ୍ତେବାସୀମାନେ ଆଶ୍ରୟସ୍ଥଳୀରେ ସମ୍ମୁଖୀନ ହେଉଥିବା ସମସ୍ୟା ବଖାଣିଥିଲେ। ସମସ୍ତ ସମସ୍ୟାର ସମାଧାନ ନେଇ ସେ ଜିଲାପାଳଙ୍କ ଦୃଷ୍ଟି ଆକର୍ଷଣ କରିବେ ବୋଲି କଂସ ଅଭିନେତା ଭୁବନେଶ୍ୱର କହିଥିଲେ।
