ମଥୁରାନଗରୀ,୮ା୧(ପ୍ରେମାନନ୍ଦ ଖମାରୀ): ବୃ଼ହତ୍ ମୁକ୍ତାକାଶ ରଙ୍ଗମଞ୍ଚ ବରଗଡ଼ ଧନୁଯାତ୍ରା ମହୋତ୍ସବରେ ବୁଧବାର ରାଜ ଦରବାରରେ ଅନୁଷ୍ଠିତ କଂସଙ୍କ ଜନତା ଦରବାର (ରଙ୍ଗସଭା) ବେଶ ଚିତ୍ତାକର୍ଷକ ଥିଲା। ଏହି ଜନତା ଦରବାରରେ ବରଗଡ଼ ଜିଲାପାଳଙ୍କ ସମେତ ପୋଲିସ, ସ୍ବାସ୍ଥ୍ୟ, ଯୋଗାଣ, ବିଦ୍ୟୁତ୍ ଜଳସେଚନ, ପୂର୍ତ୍ତ, ପୌର ପରିଷଦ ଆଦି ବିଭାଗର ଅଧିକାରୀବୃନ୍ଦ କଂସ ମହାରାଜଙ୍କ ନିର୍ଦ୍ଦେଶକ୍ରମେ ହାଜର ହୋଇଥିଲେ। ବିଦୂଷକ ବିଭିନ୍ନ ବିଭାଗରେ ବିଭାଗୀୟ ଅଧିକାରୀଙ୍କ ଅବହେଳା ନେଇ କଂସଙ୍କ ଦୃଷ୍ଟି ଆକର୍ଷଣ କରିଥିଲେ। ଏହା ପରେ କଂସ ମହାରାଜ ଗର୍ଜି ଉଠିଥିଲେ ଏବଂ ତୁରନ୍ତ ନିଜନିଜ ବିଭାଗରେ ରହିଥିବା ସମସ୍ୟାର ସମାଧାନ ନ କଲେ ଦୃଢ଼ କାର୍ଯ୍ୟାନୁଷ୍ଠାନ ନେବେ ବୋଲି ଅଧିକାରୀମାନଙ୍କୁ ରୋକ୍ଠୋକ୍ ଶୁଣାଇ ଦେଇଥିଲେ। ଏହି ଦୃଶ୍ୟାଭିନୟକୁ ଦର୍ଶକମାନେ ଉତ୍ସାହର ସହିତ ଉପଭୋଗ କରିଥିଲେ।