ମୁମ୍ବାଇ: କମେଡିରେ ହସାଇ ହସାଇ ବେଦମ୍ କରାଉଥିବା ବଲିଉଡ୍ ଅଭିନେତା ତଥା କପିଲ ଶର୍ମା ଶୋ’ର ହୋଷ୍ଟ କପିଲଙ୍କ ଆଗାମୀ ଗୀତର ଭିଡିଓ ଆସିବାକୁ ଯାଉଛି। କପିଲ ପଞ୍ଜାବୀ ଗାୟକ ଗୁରୁ ରନ୍ଧାୱାଙ୍କ ସହ ଭିଡିଓ କରିବେ। ଏନେଇ ଦୁହେଁ ଏକ ପୋଷ୍ଟ ସୋସିଆଲ ମିଡିଆରେ ଶେୟାର କରିଛନ୍ତି। ସେଥିରେ କପିଲ ଗୁରୁ ରନ୍ଧାୱାଙ୍କ ସହ ପୋଷ୍ଟରେ ନଜରକୁ ଆସିଛନ୍ତି। ଟି-ସିରିଜ୍ ଦ୍ୱାରା ପ୍ରସ୍ତୁତ ଏହି ଗୀତ ‘ଏଲୋନ୍’ ଫେବୃୟାରୀ ୯ରେ ମୁକ୍ତିଲାଭ କରିବ। ଗାୟକ ରନ୍ଧାୱା ଏହି ପୋଷ୍ଟ ଶେୟାର କରି ଲେଖିଛନ୍ତି, କପିଲ ଏବଂ ସେ ଏହି ଗୀତକୁ ଦେଶକୁ ଶୁଣାଇବାକୁ ବହୁତ ଉତ୍ସୁକ ଅଛନ୍ତି। କମେଡିଆନ୍ କପିଲଙ୍କ ସାଙ୍ଗରେ ଏହି ଗୀତକୁ ଗାଇଥିବା ନେଇ ବହୁତ ଖୁସି ଥିବା କହିଛନ୍ତି। ଟି-ସିରିଜ୍ରେ ୨ ରକ୍ ଷ୍ଟାର ଗୋଟିଏ ଫ୍ରେମ୍ରେ ଅଛନ୍ତି ବୋଲି ଗାୟକ ମିକା ସିଂ କମେଣ୍ଟ କରିଛନ୍ତି। ତେବେ ଏହି ମ୍ୟୁଜିକ୍ ଭିଡିଓ ପାଇଁ ଦର୍ଶକ ଉତ୍ସୁକତାର ସହ ଅପେକ୍ଷା କରିଥିବା ଜଣାପଡ଼ିଛି।