ମୁମ୍ବାଇ: କମେଡି କିଙ୍ଗ କପିଲ ଶର୍ମା ଗୁରୁବାର ତାଙ୍କ ପତ୍ନୀ ଗିନ୍ନି ଚତରଥଙ୍କ ଜନ୍ମଦିନ ପାଳନ କରିଛନ୍ତି । ଯାହାର ଏକ ଝଲକ ସେ ତାଙ୍କ ସୋସିଆଲ ମିଡିଆ ଆକାଉଣ୍ଟରେ ଶେୟାର କରିଛନ୍ତି । ପତ୍ନୀଙ୍କ ଜନ୍ମଦିନକୁ ଅଭୁଲା କରିବାକୁ ଯାଇ କପିଲ କେତେ ପ୍ରସ୍ତୁତି ମଧ୍ୟ କରିଥିଲେ । ଏସମସ୍ତ ପ୍ରସ୍ତୁତି ତାଙ୍କ ପ୍ରଶଂସକଙ୍କୁ ବେଶ୍ ପସନ୍ଦ ଆସିଥିଲା । ଜନ୍ମିଦନ ପାଳନର ଏକ ସୁନ୍ଦର ଭିଡିଓ କପିଲ ଶେୟାର କରିବା ସହ ଗିନ୍ନିଙ୍କ ଉଦ୍ଦେଶ୍ୟରେ ଏକ ସୁନ୍ଦର ନୋଟ୍ ବି ଲେଖିଛନ୍ତି । କପିଲ ଯେଉଁ ଭିଡିଓ ଶେୟାର କରିଛନ୍ତି ସେଥିରେ ଦେଖିବାକୁ ମିଳିଛି ଟେବୁଲ ଉପରେ କିଛି ରଙ୍ଗ ବେରଙ୍ଗର କେକ୍ ଥୁଆ ହୋଇଛି । ସବୁ କେକ୍ ଉପରେ ଗିନ୍ନିଙ୍କ ନାଁର ଗୋଟିଏ ଗୋଟିଏ ଆଲଫାବେଟ ଲେଖାଯାଇଛି । ଏହାସହ ସେ ଲେଖିଛନ୍ତି, ହାପି ବାର୍ଥ ଡେ, ମୋ ସାଙ୍ଗ, ମୋ ପ୍ରେମ, ମୋ ପତ୍ନୀ ଗିନ୍ନି ଚତରଥ‘ । କପିଲଙ୍କ ଏହି ପୋଷ୍ଟକୁ ଦେଖି ପ୍ରଶଂସକମାନେ ଖୁବ୍ କମେଣ୍ଟ କରୁଛନ୍ତି । କପିଲ ଶର୍ମାଙ୍କ ପତ୍ନୀ ଯଦିଓ ଏଣ୍ଟରଟେନମେଣ୍ଟ ଦୁନିଆଠାରୁ ଦୂରରେ କିନ୍ତୁ କପିଲ ବହୁବାର ତାଙ୍କ ବିଷୟରେ କମେଡି ଶୋ’ରେ ଆଲୋଚନା କରିଛନ୍ତି । କିଛିଦିନ ତଳେ କପିଲ ତାଙ୍କ ଶୋ’ର ସେଟରେ ପତ୍ନୀ ଗିନ୍ନି ଝିଅ ଅନାୟା ଓ ପୁଅ ତ୍ରିଶାନଙ୍କ ସହ ପହଞ୍ଜିଥିବା ଦେଖାଯାଇଥିଲା ।