ମୁମ୍ବାଇ: ନିଜ କମେଡିଇରେ ସମସ୍ତଙ୍କୁ ହସାଇ ହସାଇ ବେଦମ କରୁଥିବା କପିଲ ଶର୍ମା ପୁଣିଥରେ ସିଲଭର ସ୍କ୍ରିନକୁ କମବ୍ୟାକ କରୁଛନ୍ତି । ସୂଚନାଯୋଗ୍ୟ, କପିଲ ଶର୍ମା ଖୁବଶୀଘ୍ର ନନ୍ଦିତା ଦାସଙ୍କ ଅପକମିଂ ମୁଭି ‘ଜ୍ୱିଗାଟୋ’ରେ ନିଜ ଅଭିନୟକୁ ନେଇ ଦର୍ଶକଙ୍କୁ ଗୁଦଗୁଦି କରିବାକୁ ଆସୁଛନ୍ତି । ନନ୍ଦିତା ଦାସଙ୍କ ଦ୍ୱାରା ନିର୍ଦ୍ଦେଶିତ ଓ ଅପ୍ଲାଁଜ ଏଣ୍ଟରଟେନମେଣ୍ଟ ଦ୍ୱାରା ନିର୍ମିତ ଫିଲ୍ମକୁ ନିକଟରେ ଟରଂଣ୍ଟୋ ଇଣ୍ଟରନ୍ୟାସନାଲ ଫିଲ୍ମ ଫେଷ୍ଟିଭାଲରେ ସାମିଲ କରାଯାଇଥିଲା । କପିଲଙ୍କ ପ୍ରଶଂସକଙ୍କ ପାଇଁ ଫିଲ୍ମକୁ ନେଇ ଖୁସି ଖବର ଦିଆଯାଇଛି । ଫିଲ୍ମର ରିଲିଜ୍ ଡେଟ୍ ଆଉଟ ହୋଇଛି । ଜଣେ ଫୁଡ ଡେଲିଭରୀ ବୟର କାହାଣୀ ହେଉଛି ‘ଜ୍ୱିଗାଟୋ’ ।
କପିଲ ଶର୍ମାଙ୍କ ମୋଷ୍ଟ ଆୱେଟେଡ ମୁଭି ‘ଜ୍ୱିଗାଟୋ’ର ରିଲିଜ୍ ଡେଟ ଜାରି କରାଯାଇଛି । ଚଳିତ ବର୍ଷ ୧୭ ମାର୍ଚ୍ଚରେ ଏହା ବଡ ପରଦାରେ ରିଲିଜ୍ ହେବ । ଅପ୍ଲାଁଜ ଏଣ୍ଟରଟେନମେଣ୍ଟର ଅଫିସିୟାଲ ହାଣ୍ଡେଲରେ ଇନଷ୍ଟାଗ୍ରମାରେ ବାଇକରେ ଥିବା କପିଲ ଶର୍ମାଙ୍କ କ୍ୟାରେକ୍ଟରର ଏକ ମୋଶନ ପୋଷ୍ଟର ଶେୟାର କରାଯାଇଛି. କ୍ୟାପଶନରେ ଲେଖାଯାଇଛି, ବର୍ଷର ସବୁଠାରୁ ମୋଷ୍ଟ୍ର ଆୱେଟେଡ ଅର୍ଡର ଆଖିରକାର ଆ ରହା ହୈ!
ବୁସାନ ଫିଲ୍ମ ଫେଷ୍ଟିଭାଲରେ ଏହାର ସ୍କ୍ରିନିଂ ପୂର୍ବରୁ କପିଲ ଶର୍ମା ଇନଷ୍ଟାଗ୍ରାମରେ ‘ଜ୍ୱିଗାଟୋ’ର ଟ୍ରେଲର ଶେୟାର କରିଥିଲେ । ପ୍ରମୋର ଆରମ୍ଭ କପିଲ ଶର୍ମାଙ୍କ ଅର୍ଡର ଦେବା ପାଇଁ ଡେଷ୍ଟିନେଶନରେ ପହଞ୍ଚିବା ପରେ ହେଉଛି । ସେଠାରେ ସେ ଏକ ନୋଟିସ ଦେଖିବା ପରେ ତାଙ୍କୁ ସିଡ଼ି ଚଢିବାକୁ ବାଧ୍ୟ ହେବାକୁ ପଡୁଛି, ଯେଉଁଥିରେ ଲେଖାଅଛି, ଡେଲିଭରୀ ବୟଙ୍କୁ ଲିପ୍ଟ ବ୍ୟବହାର କରିବାକୁ ଅନୁମତି ନାହିଁ । ଏହି ମୁଭିରେ ଶାହନାନା ଗୋସ୍ୱାମୀ କପିଲଙ୍କ ପତ୍ନୀ ଭୂମିକାରେ ନଜର ଆସିଛନ୍ତି । ସେ ତାଙ୍କ ଆବଶ୍ୟକତାକୁ ପୂରଣ କରିବାକୁ ସଂଘର୍ଷ କରୁଥିବା ଦେଖାଯାଇଛି ।