ମୁମ୍ବାଇ: କରୋନା ମହାମାରୀ ଯୋଗୁ ଏଣ୍ଟରଟେନମେଣ୍ଟ ଇଣ୍ଡଷ୍ଟ୍ରି ବହୁ କ୍ଷତି ସହିଥିବା ବେଳେ ଏବେ ପୁଣିଥରେ ଅଣ୍ଟା ସଳଖିବାକୁ ଚେଷ୍ଟା କରୁଥିଲା । ହେଲେ କରୋନାର ନୂଆ ଭାରିଏଣ୍ଟ ଓମିକ୍ରନ ପୁଣିଥରେ ଏହା ଉପରେ ଦାଉ ସାଧିଲାଣି । ଓମିକ୍ରନର ଦ୍ରୁତ ସଂକ୍ରମଣକୁ ଦେଖି ଅଧିକାଂଶ ରାଜ୍ୟରେ ଥିଏଟର ବନ୍ଦ କରିବାକୁ ସରକାର ନିର୍ଦ୍ଦେଶ ଦେଇ ସାରିଲେଣି । ଆଉ ନୂଆ ବର୍ଷକୁ ଲକ୍ଷ୍ୟ ରଖି ଏବେ ସେଲିବ୍ରିଟିଙ୍କ ପାଇଁ ସବୁଠାରୁ ଭଲ ବିକଳ୍ପ ପାଲଟିଛି ଓଟିଟି ପ୍ଲାଟଫର୍ମ । ୨୦୨୨ରେ ଓଟିଟି ପ୍ଲାଟଫର୍ମରେ କପିଲ ଶର୍ମାଙ୍କଠାରୁ ଆରମ୍ଭ କରି ସୋନାକ୍ଷି ସିହ୍ନାଙ୍କ ପର୍ଯ୍ୟନ୍ତ କେତେଜଣ ସେଲିବ୍ରିଟି ଡେବ୍ୟୁ କରିବାକୁ ଯାଉଛନ୍ତି । ଏହି ତାଲିକାରେ ରହିଛନ୍ତି, କପିଲ, ଶର୍ମା, ମାଧୁରୀ ଦିକ୍ଷିତ, ନାଗା ଚୈତନ୍ୟ, ଅଜୟ ଦେବଗନ, ସୋନକ୍ଷି ସିହ୍ନା ଇତ୍ୟାଦି ।
ମାଧୁରି ‘ଫାଇଣ୍ଡି ଅନାମିକା’ସହ ନେଟଫ୍ଲିକ୍ସରେ ପୁଣିଥରେ ଦମଦାର ରିଟର୍ଣ୍ଣ କରିବାକୁ ଯାଉଛନ୍ତି । ଏହି ସିରିଜରେ ଜଣେ ସୁପରଷ୍ଟାର ଏଣେତେଣେ ବୁଲୁଥିବା ବେଳେ ଅକସ୍ମାତ ନିଖୋଜ ହୋଇ ଯାଉଛନ୍ତି । ଆଉ ଯେତେବେଳେ ପୋଲିସ ଓ ତାଙ୍କ ପ୍ରଶଂସକ ତାଙ୍କୁ ଖୋଜୁଛନ୍ତି ସେତବେଳେ ଅନେକ ରାଜ ଖୋଲୁଛି ।
୨୦୨୨ରେ କମେଡି କିଙ୍ଗ କପିଲ ଶର୍ମା ବି ଓଟିଟିରେ ଆସୁଛନ୍ତି । ଏହା ଏକ ଫିଲ୍ମ ହୋଇପାରେ ଏକ ସିରିଜ ବି ହୋଇପାରେ ।
ଏକ ୱେବ ସିରିଜ ମାଧ୍ୟମରେ ଶିଳ୍ପା ସେଟ୍ଟି ବି ୨୦୨୨ରେ ଓଟିଟିରେ ଆସୁଥିବା ଜଣାପଡିଛି । କିଛିଦିନ ପୂର୍ବେ ସେ ଏକ ସାକ୍ଷାତ୍ କାରରେ ଏହା କହିଥିଲେ ।
ବଲିଉଡ୍ ଦବଙ୍ଗ ଗର୍ଲ ସୋନାକ୍ଷି ସିହ୍ନା ଆସନ୍ତା ବର୍ଷ ଆମଜନ ପ୍ରାଇମ ଭିଡିଓ ୱେବ ସିରିଜରେ ନଜର ଆସିବେ ବୋଲି ଜଣାପଡିଛି । ଏଥିରେ ସେ ଜଣେ ପୋଲିସ ଭୂମିକାରେ ଦେଖାଦେବେ ।