ଭାରତୀୟ କ୍ରିକେଟର ଅକ୍ଷର ପଟେଲ ଟେଷ୍ଟ ସିରିଜ୍ରୁ ଡେବ୍ୟୁ କରିବା ପରେ ଚର୍ଚ୍ଚାରେ ରହିଛନ୍ତି। ବାମ ହାତି ସ୍ପିନର ଅକ୍ଷର ଚେନ୍ନାଇରେ ଇଂଲଣ୍ଡ ବିପକ୍ଷରେ ଖେଳାଯାଇଥିବା ସିରିଜ୍ର ଦ୍ୱିତୀୟ ମୁକାବିଲାରେ ଟେଷ୍ଟ ଡେବ୍ୟୁ କରିଥିଲେ। ସେ ୩ଟି ମ୍ୟାଚ୍ରେ ସମୁଦାୟ ୨୭ ଉଇକେଟ୍ ନେଇଥିଲେ। ନିକଟରେ କପିଲ ଶର୍ମାଙ୍କ ଶୋ’ରେ ଅକ୍ଷରଙ୍କୁ ରାହୁଲ ତଓ୍ବେତିୟା, ନୀତିଶ ରାଣା ଏବଂ ରବି ବିଶ୍ନୋଇଙ୍କ ସହ ଦେଖିବାକୁ ମିଳିଥିଲା।
ଶୋ’ରେ କପିଲ ଖେଳାଳିମାନଙ୍କୁ ସେମାନଙ୍କ ପସନ୍ଦର ଅଭିନେତ୍ରୀଙ୍କ ବିଷୟରେ ପ୍ରଶ୍ନ କରିଥିଲେ। ଉତ୍ତରରେ ରାହୁଲ କରୀନା କପୁର, ତାରା ସୁତରିୟା, ସାରା ଅଲ୍ଲୀ ଖାନ୍ଙ୍କ ନାମ ନେଇଥିଲେ। ସେହିପରି ରବିଙ୍କ ପସନ୍ଦର ଅଭିନେତ୍ରୀ ହେଉଛନ୍ତି ସାରା ଅଲ୍ଲୀ ଖାନ୍। ଦୀପିକା ପାଦୁକୋନ ହେଉଛନ୍ତି ଅକ୍ଷରଙ୍କ ପସନ୍ଦର ଅଭିନେତ୍ରୀ। ଖାଲି ସେତିକି ନୁହେଁ, ଅକ୍ଷର ଦୀପିକାଙ୍କ ସହ ଡେଟ୍ରେ ମଧ୍ୟ ଯିବାକୁ ଚାହୁଁଥିବା କହିଛନ୍ତି। ସେହିପରି ରବି ସାରାଙ୍କ ସହ ଏବଂ ରାହୁଏ ସାରା ଏବଂ ତାରାଙ୍କ ସହ ଡେଟ୍ରେ ଯିବାକୁ ଚାହୁଁଥିବା କହିଥିଲେ।
