ବମ୍ବେ: ଜଣେ କମେଡିଆନ୍ ଭାବେ ପ୍ରତିଟି କଳାପ୍ରେମୀଙ୍କ ହୃଦୟରେ ସ୍ବତନ୍ତ୍ର ସ୍ଥାନ ସୃଷ୍ଟି କରିଛନ୍ତି କପିଲ ଶର୍ମା। ନିଜ ପ୍ରଚେଷ୍ଟାରେ ସେ ଏଭଳି ସୋପାନ ହାସଲ କରିଛନ୍ତି। ତେବେ କର୍ମ ଜୀବନ ଭଳି କପିଲଙ୍କ ବ୍ୟକ୍ତିଗତ ଜୀବନ ମଧ୍ୟ ରହି ଆସିଛି ଚର୍ଚ୍ଚାରେ।
ଅନେକଙ୍କ ସହ ପ୍ରେମ ସମ୍ପର୍କ ଗଢ଼ି ଉଠିଥିଲେ ହେଁ ଗିନ୍ନି ଚତ୍ରଥଙ୍କ ହାତ ଧରିଛନ୍ତି କପିଲ। କମେଡିଠାରୁ ସେ ଗିନ୍ନିଙ୍କୁ ଅଧିକ ପ୍ରେମ କରନ୍ତି। ୨୦୧୮ରେ ଉଭୟଙ୍କ ହାତ ଗଣ୍ଠି ପଡ଼ିଥିଲା। ଉଭୟ ଏବେ ଦୁଇଟି ସନ୍ତାନର ପିତାମାତା।
ଜଳନ୍ଧରର ଏକ ବାଳିକା ମହାବିଦ୍ୟାଳୟରେ ପଢ଼ୁଥିଲେ ଗିନ୍ନି। ସେତେବେଳେ କପିଲ ନିଜର ପିଜି ଡିପ୍ଲୋମା କମର୍ଶିଆଲ ଆଟ୍ସରେ କରୁଥିଲେ। ନିଜର ପକେଟ ଖର୍ଚ୍ଚ ବାହାର କରିବା ଲାଗି କପିଲ ଥିଏଟରରେ ଯୋଗ ଦେଇଥିଲେ। ଏଥିପାଇଁ ସେ ଅନ୍ୟ କଲେଜ ଯାଉଥିଲେ। ଏହି ସମୟରେ କପିଲଙ୍କ ଛାତ୍ରୀ ଥିଲେ ଗିନ୍ନି। ଧନୀ ପରିବାରର ହୋଇଥିବାରୁ ଗିନ୍ନି ପ୍ରତ୍ୟହ କାର୍ ଚଢ଼ି କଲେଜ ଆସୁଥିଲେ। ଅପରପକ୍ଷେ କପିଲ ଆସୁଥିଲେ ସ୍କୁଟରରେ ।
କପିଲଙ୍କୁ ଦେଖିବା ପରେ ପ୍ରଥମେ ପ୍ରେମରେ ପଡ଼ିଥିଲେ। ଏନେଇ କମେଡିଆନ୍ଙ୍କ ଜଣେ ବନ୍ଧୁ ତାଙ୍କୁ ଜଣାଇଥଇଲେ। ହେଲେ ଏହାକୁ ଗମ୍ଭୀରତାର ସହ ନେଇ ନ ଥିଲେ କପିଲ। ପରେ କିନ୍ତୁ ତାଙ୍କର ସବୁ ଅଙ୍କ ଭୁଲ ହୋଇ ଯାଇଥିଲା। ସେ ମଧ୍ୟ ଗିନ୍ନିଙ୍କୁ ବିବାହ କରିବାକୁ ନିଷ୍ପତ୍ତି ନେଇଥିଲେ।
ଜୀବନରେ ଖରାପ ସମୟ ଚାଲୁଥିବା ବେଳେ କପିଲ ହଠାତ୍ ଗିନ୍ନିଙ୍କୁ ବିବାହ କରିବାକୁ ନିଷ୍ପତ୍ତି ନେଇଥିଲେ। ତାହା ହିଁ ହୋଇଥିଲା। ଏବେ ସେ ଦୁଇ ଦୁଇଟି ସନ୍ତାନର ଜନକ ହୋଇଛନ୍ତି। ଏବେ ଭାବିଲେ ଗିନ୍ନିଙ୍କୁ ବିବାହ କରିବା ନିଷ୍ପତ୍ତି ଠିକ୍ ଥିଲା ବୋଲି କପିଲ ନିକଟରେ ପ୍ରକାଶ କରିଛନ୍ତି।
