କପିଲ ଶର୍ମା, କମେଡି ଦୁନିଆର ଏକ ବଡ଼ ନାମ। ଯିଏକି କଠିନ ପରିଶ୍ରମ ମାଧ୍ୟମରେ ଆଜି ସଫଳତାର ଶୀର୍ଷରେ ପହଞ୍ଚି ପାରିଛନ୍ତି। ଜଣେ କନ୍ଷ୍ଟେବଳଙ୍କ ପୁଅ କପିଲ ଏବେ ବର୍ଷକୁ ୩୦ କୋଟିରୁ ଊର୍ଦ୍ଧ୍ୱ ଟଙ୍କା ଆୟ କରୁଛନ୍ତି। ତେବେ ବିଳାସମୟ କ୍ଷେତ୍ରରେ କପିଲ ସଲମାନ୍ ଖାନ୍ ଏବଂ ଶାହାରୁଖ୍ ଖାନ୍ଙ୍କୁ ମଧ୍ୟ ପଛରେ ପକାଇ ଦେଇଛନ୍ତି। କପିଲଙ୍କ ଭ୍ୟାନିଟି ଭ୍ୟାନ୍ର ମୂଲ୍ୟ ସଲମାନଙ୍କ ଭ୍ୟାନିଟି ଭ୍ୟାନ୍ଠାରୁ ୩ ଗୁଣା ଅଧିକ ହୋଇଥିବା ବେଳେ ଖୁବ୍ ବିଳାସପୂର୍ଣ୍ଣ ମଧ୍ୟ। କପିଲ ଏହାକୁ ୫.୫ କୋଟି ଟଙ୍କାରେ କିଣିଥିଲେ। ତେବେ ଶାହାରୁଖ୍ଙ୍କ ଭ୍ୟାନିଟି ଭ୍ୟାନ୍ର ମୂଲ୍ୟ ପ୍ରାୟ ୪ କୋଟି ଟଙ୍କା ହୋଇଥିବା ବେଳେ ସଲମାନ୍ଙ୍କର ୧.୫ କୋଟି ଟଙ୍କା। କପିଲ ତାଙ୍କର ଏହି ଭ୍ୟାନିଟି ଭ୍ୟାନ୍ଟିକୁ ୨୦୧୮ରେ କିଣିଥିଲେ। ଏହାକୁ ଡିସି ଦ୍ୱାରା ଡିଜାଇନ କରାଯାଇଛି। ବଲିଉଡ୍ର ସବୁଠାରୁ ମହଙ୍ଗା ଭ୍ୟାନିଟି ଭ୍ୟାନ୍ ମଧ୍ୟରୁ କପିଲଙ୍କର ଏହି ଭ୍ୟାସ ଅନ୍ୟତମ। କପିଲଙ୍କ ଏହି ଭ୍ୟାନିଟି ଭ୍ୟାନ୍କୁ ଦେଖିଲେ କୌଣସି ହଲିଉଡ୍ ଫିଲ୍ମରେ ଦିଆଯାଇଥିବା ସ୍ପେଶାଲ ଇଫେକ୍ଟ ଦ୍ୱାରା ତିଆରି ହୋଇଥିବା ମନେହେବ।