ମୁମ୍ବାଇ,୧୭।୪: ବଲିଉଡ୍ ପ୍ରଯୋଜକ ତଥା ନିର୍ଦ୍ଦେଶକ କରନ ଜୋହର ଓ ଅଭିନେତା କାର୍ତ୍ତିକ ଆର୍ୟନଙ୍କ ସମ୍ପର୍କରେ ଏବେ ଫାଟ ସୃଷ୍ଟି ହୋଇଛି। ଦୁଇଜଣଙ୍କ ଭିତରେ ଥିବା ତିକ୍ତତା ଏବେ ପଦାରେ ପଡ଼ିଛି। ଫିଲ୍ମରୁ କାର୍ତ୍ତିକଙ୍କୁ ବାହାର କରିବା ପରେ କରନ ଏବେ ସୋସିଆଲ ମିଡିଆରେ ତାଙ୍କଠାରୁ ଦୂରେଇ ଯାଇଥିବା ଚର୍ଚ୍ଚା ହେଉଛି। ସୂଚନାଯୋଗ୍ୟ, କରନଙ୍କ ଧର୍ମା ପ୍ରଡକ୍ସନର ଅପ୍ କମିଂ ଫିଲ୍ମ ଦୋସ୍ତାନା-୨ର ପ୍ରଜୋକ୍ଟରୁ କାର୍ତ୍ତିକଙ୍କୁ କରନ ବାହାର କରିଦେଇଛନ୍ତି। କେବଳ ସେତିକି ନୁହେଁ ନିଜ ପ୍ରୋଜେକ୍ଟରୁ ବାହାର କରିବା ପରେ କରନ ଏବେ ତାଙ୍କୁ ଇନ୍ଷ୍ଟାଗ୍ରାମରେ ବି ଅନଫଲୋ କରିଥିବା ଦେଖିବାକୁ ମିଳିଛି। ହେଲେ କାର୍ତ୍ତିକ ଏବେ ବି କରନଙ୍କ ଫଲୋ କରୁଛନ୍ତି। ସୂଚନା ମୁତାବକ ଫିଲ୍ମ ଦୋସ୍ତାନା-୨ପାଇଁ କାର୍ତ୍ତିକ ୨୦ ଦିନର ଶୁଟିଂ କରିଥିଲେ। ହେଲେ ଫିଲ୍ମର ସେକେଣ୍ଡ ପାର୍ଟର ସ୍କ୍ରିପ୍ଟ ତାଙ୍କୁ ପସନ୍ଦ ଆସି ନ ଥିବାରୁ ସେ ପ୍ରୋଜେକ୍ଟରୁ ଓହରିଯାଇଥିଲେ। ଏହାପରେ କରନ କାର୍ତ୍ତିକଙ୍କୁ ପିଲ୍ମରେ ରିପ୍ଲେସ୍ କରିଦେଇଥିବା ଖବର ସାମ୍ନାକୁ ଆସିଥିଲା।
