ମୁମ୍ବାଇ: ବଲିଉଡ ଅଭିନେତ୍ରୀ କରୀନା କପୁର ଲୁକ୍, ଅଭିନୟ ପାଇଁ ପ୍ରାୟତଃ ଚର୍ଚ୍ଚାରେ ରୁହନ୍ତି। ନିକଟରେ ଫିଲ୍ମ ‘ଲାଲ୍ ସିଂ ଚଢା’ରେ ନିଜର ଦମ୍ଦାର ଅଭିନୟ ଯୋଗୁ ଦର୍ଶକଙ୍କ ହୃଦୟରେ ରାଜ୍ କରୁଛନ୍ତି। ଏହାରି ମଧ୍ୟରେ ଆଉ ଏକ ଖବର ସାମ୍ନାକୁ ଆସିଛି ଯେ, ଅଭିନେତ୍ରୀ ନିର୍ଦ୍ଦେଶକ ହଂସଲ ମେହେଟ୍ଟାଙ୍କ ଫିଲ୍ମରେ ନଜର ଆସିବେ। ପୂର୍ବରୁ ଏହାକୁ ନେଇ ଗୁଜବ ସୃଷ୍ଟି ହୋଇଥିବା ବେଳେ ଗୁରୁବାର ଅଭିନେତ୍ରୀ ଇନଷ୍ଟାଗ୍ରାମରେ ଏକ ଫିଲ୍ମର ଲୁକ୍ ଶେୟାର କରି ଏହାକୁ ନିଶ୍ଚିତ କରିଛନ୍ତି। ଫିଲ୍ମଟି କମେଡି-ଡ୍ରାମା ଉପରେ ଆଧାରିତ। କୁହାଯାଉଛି କି , ଫିଲ୍ମର ଶୁଟିଂ ଲଣ୍ଡନରେ ଚାଲିଛି।
ଅଭିନେତ୍ରୀ କରୀନା କପୁର- ଆମିର ଖାନ୍ଙ୍କ ଫିଲ୍ମ ‘ଲାଲ୍ ସିଂ ଚଢା’ ଅଗଷ୍ଟ ୧୧ରେ ପରଦାକୁ ଆସିଥିଲା। ରିଲିଜ୍ ପୂର୍ବରୁ ଫିଲ୍ମକୁ ନେଇ ଦର୍ଶକଙ୍କ ମଧ୍ୟରେ ଉତ୍ସାହ ଥିଲା। ହେଲେ ଆଶାନୁଯାୟୀ ବକ୍ସ ଅଫିସରେ ସେତେଟା ଆୟ କରିପାରି ନ ଥିଲା।