ବମ୍ବେ: ସାମ୍ନାକୁ ଆସିଲା ଅଭିନେତ୍ରୀ କରିନା କପୁର-ଅଭିନେତା ସୈଫ ଅଲ୍ଲୀ ଖାନ୍ଙ୍କ ଦ୍ୱିତୀୟ ପୁଅଙ୍କ ନାମ। ପୂର୍ବରୁ ବଡ଼ ପୁଅଙ୍କ ନାମକୁ ତୈମୁର ରଖିବାକୁ ନେଇ ସମାଲୋଚନାର ଶିକାର ହୋଇଥିଲେ କରିନା। ଏବେ ସେ ସାନ ପୁଅଙ୍କ ନାମ ‘ଜେହ୍’ରଖିଥିବା ଜଣାପଡ଼ିଛି।
କରିନା ମଦର୍ସ ଡେ ଅବସରରେ ଜେହ୍ଙ୍କ ଫଟୋ ଶେୟାର କରିଥିଲେ। ତୈମୁର ତାଙ୍କୁ କୋଳରେ ଧରିଥିବା ଦେଖାଯାଇଥିଲା। ତୁମେ ଦୁଇଜଣ ମୋତେ ଏକ ସୁନ୍ଦର ଭବିଷ୍ୟତର ଆଶା ଦେଉଛ ବୋଲି କରିନା ଲେଖିଥିଲେ।
କହିରଖୁଛୁ, ଦ୍ୱିତୀୟ ସନ୍ତାନ ଜନ୍ମ ପୂର୍ବରୁ କରିନା-ସୈଫ ନିଜର ନୂଆ ଘରକୁ ଚାଲି ଯାଇଥିଲେ। ଫେବୃୟାରୀ ୨୧ରେ ତାଙ୍କର ସାନପୁଅ ଜନ୍ମ ହୋଇଥିଲା। ଏହାକୁ ନେଇ ବେଶ୍ ଖୁସି ଥିଲେ ବେବୋ। ଏବେ ସେ ନିଜର ପରିବାର ସହ ସମୟ ଅତିବାହିତ କରୁଛନ୍ତି।