ମୁମ୍ବାଇ: ବଲିଉଡ୍ ନାୟିକା କରିନା କପୁର ଖାଁ ଏବେ ଖୁବ୍ ଚର୍ଚ୍ଚାରେ । କାରଣ ସେ ଖୁବଶୀଘ୍ର ଦ୍ୱିତୀୟଥର ଲାଗି ମା’ ହେବାକୁ ଯାଉଛନ୍ତି । ନିକଟରେ ତାଙ୍କର କିଛି ଫଟୋ ସୋସିଆଲ ମିଡିଆରେ ଭାଇରାଲ ହୋଇଥିବା ବେଳେ ଏବେ ତାଙ୍କର ଏକ ସାକ୍ଷାତ୍କାରକୁ ନେଇ ହେଉଛି ଚର୍ଚ୍ଚା । ତେବେ ତାଙ୍କ ପ୍ରଥମ ସନ୍ତାନ ତୈମୁର ଯେତେବେଳେ ଜନ୍ମ ନେଇଥିଲେ ତାଙ୍କ ନାଁକୁ ନେଇ ସେ କିପରି ଡରି ଯାଇଥିଲେ ତାହା କରିନା ପ୍ରକାଶ କରିଛନ୍ତି । ବରଖା ଦତ୍ତଙ୍କ ସହ ଏକ ସାକ୍ଷାତ୍କାରରେ କରିନା କହିଛନ୍ତି ଯେତେବେଳେ ତୈମୁର ଜନ୍ମ ହୋଇଥିଲେ ସେତେବେଳେ ଜଣେ ନାମୀ ବ୍ୟକ୍ତି ତାଙ୍କୁ ହସ୍ପିଟାଲରେ ଭେଟିବାକୁ ଆସିଥିଲେ । ସେତେବେଳେ ସେହି ବ୍ୟକ୍ତି ଜଣକ ପୁଅର ନାମ କ’ଣ ରଖିବ ବୋଲି କରିନାଙ୍କୁ ପ୍ରଶ୍ନ କରିଥିଲେ । କରିନା ପୁଅର ନାମ ତୈମୁର କହିବା ପରେ ଏଥିରେ ବ୍ୟକ୍ତି ଜଣକ ଆପତ୍ତି ଉଠାଇଥିଲେ । ଯାହା ଶୁଣିବା ପରେ କରିନା ପୁରା ଡରି ଯାଇଥିଲେ ଓ ସେହି ବ୍ୟକ୍ତିଙ୍କୁ ତାଙ୍କ ନିକଟରୁ ତୁରନ୍ତ ଚାଲିଯିବାକୁ କହିଥିଲେ । କାରଣ କରିନା ଧରି ନେଇଥିଲେ ପୁଅ ତାଙ୍କର ତା’ର ନାମକରଣ କରିବାର ଦାୟିତ୍ୱ ତାଙ୍କର ଏଥିରେ ଆଉ କାହିଁକି କିଏ ହସ୍ତକ୍ଷେପ କରିବ । ଯାହାହେଉ ଶେଷରେ ସେ ପୁଅର ନାମ ନିଜ ଇଚ୍ଛା ଅନୁଯାୟୀ ରଖିଥିଲେ । ଏବେ କରିନାଙ୍କ ସମେତ ତାଙ୍କ ପରିବାରର ସମସ୍ତ ସଦସ୍ୟ ଦ୍ୱିତୀୟ ସନ୍ତାନ ଅପେକ୍ଷାରେ ରହିଛନ୍ତି ।