ବମ୍ବେ: ଏକଦା ସୋସିଆଲ ମିଡିଆ ଉପରେ ଲୁଚିଲୁଚି ନଜର ରଖୁଥିବା ବେବୋ ଏବେ ବଦଳିଯାଇଛନ୍ତି। ଇନ୍ଷ୍ଟାଗ୍ରାମରେ ସ୍ବତନ୍ତ୍ର ଆକାଉଣ୍ଟ ଖୋଲି ଭଳିକି ଭଳି ପୋଷ୍ଟ ଶେୟାର କରୁଛନ୍ତି। ମୋଟାମୋଟି ଭାବେ କହିବାକୁ ଗଲେ ଅଭିନେତ୍ରୀ କରିନା କପୁର ଖାନ୍ ଏବେ ସୋସିଆଲ ମିଡିଆରେ ବେଶ୍ ଆକ୍ଟିଭ। ଏହାକୁ ନେଇ ସେ ଚର୍ଚ୍ଚାରେ ମଧ୍ୟ ରହୁଛନ୍ତି।
ଦ୍ୱିତୀୟ ସନ୍ତାନର ଜନନୀ ହେବାକୁ ଯାଉଛନ୍ତି କରିନା। ନିକଟରେ ସେ ନିଜର ବେବିବମ୍ପ ଫଟୋ ଛାଡ଼ିଥିଲେ। ଆଉ ଏବେ ସେ ନିଜର ଦୁଇପୁଅଙ୍କ ଫଟୋ ଛାଡ଼ିଛନ୍ତି। କରିନା ଶେୟାର କରିଥିବା ଫଟୋରେ ସ୍ବାମୀ ତଥା ଅଭିନେତା ସୈଫ୍ଙ୍କ ସହ ଦୁଇପୁଅଙ୍କୁ ଦେଖିବାକୁ ମିଳୁଛି। କରିନା ମା’ ହୋଇଗଲେ ବୋଲି ଭାବୁଛନ୍ତି କି, ନା। କାରଣ ଫଟୋରେ ସୈଫଙ୍କ ସହ ପୁଅ ଇବ୍ରାହିମ ଏବଂ ତୈମୁର ଅଛନ୍ତି। ଏହାକୁ ଶେୟାର କରି ପସନ୍ଦର ପୁଅମାନେ ବୋଲି କରିନା ଲେଖିଛନ୍ତି। ଏଥିସହ ଫାଦରଆଣ୍ଡସନ୍ର ହାସଟ୍ୟାଗ୍ ମଧ୍ୟ ଦେଇଛନ୍ତି।
କହିରଖୁଛୁ, କରିନା ୨୦୧୨ରେ ସୈଫଙ୍କ ହାତ ଧରିଥିଲେ। ଉଭୟଙ୍କ ପୁଅ ତୈମୁର ୨୦୧୬ରେ ଜନ୍ମ ନେଇଥିଲା। ଏବେ ବେବୋ ପୁଣି ଥରେ ମା’ ହେବାକୁ ଯାଉଛନ୍ତି।