ବଲିଉଡ୍ ଅଭିନେତ୍ରୀ କରୀନା କପୁର ଖାନ୍ ପୁଣିଥରେ ମା’ ହେବାକୁ ଯାଉଛନ୍ତି। ଏ ନେଇ ଏବେ ସେ ଖୁବ୍ ଚର୍ଚ୍ଚାରେ ରହିଛନ୍ତି। ଦ୍ୱିତୀୟ ଥର ପାଇଁ ମା’ ହେବାକୁ ଯାଉଥିବାରୁ କରୀନା ସୋସିଆଲ ମିଡିଆରେ ନିଜର ଭାବନା ସବୁ ସମୟରେ ବାଣ୍ଟୁଛନ୍ତି। ବର୍ତ୍ତମାନ ସେ ଦିଲ୍ଲୀରେ ରହି ଫିଲ୍ମ ‘ଲାଲ ସିଂ ଚଡ୍ଢ଼ା’ର ଶୁଟିଂରେ ବ୍ୟସ୍ତ ଅଛନ୍ତି। ନିକଟରେ କରୀନା ଶୁଟିଂ ସେଟ୍ର ଏକ ଫଟୋ ନିଜର ଇନ୍ଷ୍ଟାଗ୍ରାମ୍ରେ ଶେୟାର କରିଛନ୍ତି। ଏହି ଫଟୋରେ ଛୋଟେ ନବାବ ତୈମୁର ଅଲ୍ଲୀ ଖାନ୍ କ୍ରିକେଟ ଖେଳୁଥିବାର ଦେଖିବାକୁ ମିଳୁଛି। ତୈମୁର ହାତରେ ଏକ ବଡ ବ୍ୟାଟ୍ ଧରିଥିବା ବେଳେ ଲୋକମାନେ ତାଙ୍କୁ ଘେରି ରହିଥିବା ଦେଖିବାକୁ ମିଳୁଛି। ଏହି ଫଟୋକୁ ଶେୟାର କରି କରୀନା କ୍ୟାପସନରେ ଲେଖିଛନ୍ତି, ଆଇପିଏଲ୍ରେ ଜାଗା ଅଛି କି? ଲୋକେ ତୈମୁରଙ୍କ ଏହି ଫଟୋକୁ ଖୁବ୍ ପସନ୍ଦ ମଧ୍ୟ କରୁଛନ୍ତି।
