ମୁମ୍ବାଇ: ବଲିଉଡ୍ ବେବୋ କରିନା କପୁର ଖାଁଙ୍କ ପ୍ରଶଂସକଙ୍କ ପାଇଁ ଏକ ଖୁସି ଖବର । ଗତ କିଛିଦନ ହେବ ‘ସୀତା’ ଚରିତ୍ରକୁ ନେଇ କିଛି ଫିଲ୍ମର ଘୋଷଣା କରାଯାଇଥିବା ବେଳେ ଏହି ଚରିତ୍ରରେ ଅଭିନୟ କରିବାକୁ ଯାଉଥିବା ଅଭିନେତ୍ରୀମାନଙ୍କ ନାମ ମଧ୍ୟ ସାମ୍ନାକୁ ଆସିଥିଲା । ଏବେ ଏହି ଅଭିନେତ୍ରୀଙ୍କ ତାଲିକାରେ କରିନା କପୁରଙ୍କ ନାଁ ବି ଯୋଡି ହୋଇ ଯାଇଛି । ସୂଚନାଯୋଗ୍ୟ, କିଛିଦିନ ପୂର୍ବରୁ ଆଲୌକିକ ଦେଶାଇ ତାଙ୍କ ଆଗାମୀ ଫିଲ୍ମ ‘ସୀତା-ଦ-ଇନକାରନେଶନ’ ବିଷୟରେ ଘୋଷଣା କରିଥିଲେ । ଏହାସହ କହିଥିଲେ କି ସୀତା ଚରିତ୍ରରେ ଅଭିନୟ ପାଇଁ ଏବେ ସେ ନାୟିକା ଖୋଜୁଛନ୍ତି । ବଲିଉଡ୍ ହଙ୍ଗାମାର ଏକ ରିପୋର୍ଟ ଅନୁଯାୟୀ, ଏବେ ଅଲୌକିକ ଦେଶାଇଙ୍କ ଫିଲ୍ମରେ ସୀତା ଚରିତ୍ର ପାଇଁ କରିନାଙ୍କ ନାମ ଫାଇନାଲ ହୋଇଛି । ହେଲେ ଏହା ଅଫିସିୟାଲି ଘୋଷଣା କରାଯାଇନାହିଁ । ଯଦି ଏଥିରେ କରିନା ଅରାଜି ହୁଅନ୍ତି ତେବେ ଆଲିଆ ଭଟ୍ଟଙ୍କୁ ଏହି ସୁଯୋଗ ଦିଆଯିବ ବୋଲି ଜଣାପଡିଛି । ଫିଲ୍ମ ‘ସୀତା-ଦ-ଇନକାରନେଶନ’ ରାମାୟଣ କଥାବସ୍ତୁଠାରୁ ସମ୍ପୂର୍ଣ୍ଣ ଅଲଗା ।