ମୁମ୍ବାଇ: ଯିଏ ଯେତେ ବଡ଼ ପଦ ପଦବୀରେ ଥାଆନ୍ତୁ ନା କାହିଁକି ଜଣେ ମା’ ସବୁବେଳେ ତା’ ପିଲାଙ୍କ ପାଇଁ ସମାନ। ବଲିଉଡ୍ ଅଭିନେତ୍ରୀ କରୀନା କପୁର ଏଥିରୁ ବା ବାଦ୍ ଯାଆନ୍ତେ କିପରି। ଜଣେ ମା’ ହିସାବରେ ସେ ପିଲାମାନଙ୍କର କିପରି ଯତ୍ନ ନିଅନ୍ତି ବୋଲି ପଚରାଯାଇଥିବା ପ୍ରଶ୍ନର ଉତ୍ତର ଦେଇ ସେ କହିଛନ୍ତି, ଜଣେ ମା’ ହିସାବରେ ମୋର ପ୍ରଥମ କର୍ତ୍ତବ୍ୟ ହେଉଛି, ମୋ’ ପିଲାମାନଙ୍କର ଚର୍ମର ଯତ୍ନ ନେବା। ସେମାନଙ୍କର ଚର୍ମ ସମ୍ବେଦନଶୀଳ,ଶୁଷ୍କ ଅଟେ। ମୁଁ ପ୍ରାୟତଃ ହାଲୁକା, କୋମଳ ଚର୍ମ ପାଇଁ ଦେଖିଚାହିଁ ସାମଗ୍ରୀ ବ୍ୟବହାର କରିଥାଏ। ଯାହା ଚର୍ମ ଶୁଷ୍କତାରୁ ରକ୍ଷା କରିଥାଏ।
ସେ ଆହୁରି ମଧ୍ୟ କହିଛନ୍ତି, ଜଣେ ମା’ ହେବା ପରେ ଅନେକ ଦାୟିତ୍ୱ ଆସିଥାଏ। ଯେକୌଣସି ମା’ ପରି ମଁୁ ମଧ୍ୟ ମୋ ପିଲାଙ୍କର ଯତ୍ନ ନିଏ। ସେ କହିଛନ୍ତି, ମୁଁ ପିଲାମାନଙ୍କ ପାଇଁ ଯେଉଁଥିରେ ଶିଆ ବଟର, ଗ୍ଲିସେରିନ ଏବଂ ଅତ୍ୟାବଶ୍ୟକ ଭିଟାମିନ ପରି ହାଇଡ୍ରେଟିଂ ଉପାଦାନ ଥାଏ ସେପରି ଉତ୍ପାଦ ବ୍ୟବହାର କରେ। ସଫା କରିବା ପାଇଁ ମୁଁ ସର୍ବଦା ଏକ କୋମଳ ସ୍ଥାନକୁ ପସନ୍ଦ କରେ। ଯାହା କଠିନ ରାସାୟନିକ ପଦାର୍ଥରୁ ମୁକ୍ତ ଏବଂ ଏଥିରେ ଅଧିକ ପ୍ରାକୃତିକ ଉପାଦାନ ଥାଏ । ସେ କହିଛନ୍ତି, କେଉଁ ଜିନିଷ ତୁମ ପିଲାଙ୍କ ଚର୍ମ ପାଇଁ ଭଲ ତାହା ଡାକ୍ତର ପରାମର୍ଶ କରି କିଣିବାକୁ ହେବ। ତା’ ପରେ ବ୍ୟବହାର କରି ପାରିବେ।
