ବୁଗୁଡ଼ା,୨୬।୭(ଡି.ଏନ୍.ଏ.): ବୁଗୁଡା କାରଗିଲ ଶହୀଦ ସ୍ମୃତିପୀଠରେ ସେନା କର୍ମଚାରୀ ସଂଘ ପକ୍ଷରୁ ୨୩ ତମ କାରଗିଲ ବିଜୟ ଦିବସ ପାଳିତ ହୋଇଯାଇଛି । ଏ ଅବସରରେ ୧୯୯୯ କାରଗିଲ ଯୁଦ୍ଧରେ ଶହୀଦ ହୋଇ ଦେଶମାତୃକା ପାଇଁ ବିଜୟ ଆଣିଥିବା ବୀର ଯବାନଙ୍କ ଆତ୍ମାର ସଦ୍ଗତି ପାଇଁ ନୀରବ ପ୍ରାର୍ଥନା ସହ ଶ୍ରଦ୍ଧାସୁମନ ଅର୍ପଣ ପୂର୍ବକ ସ୍ମୃତିଚାରଣ କରାଯାଇଥିଲା ।
ସଂଘ ସଭାପତି ସୂର୍ଯ୍ୟନାରାୟଣ ଦାଶଙ୍କ ତତ୍ତ୍ବାବଧାନରେ ଅନୁଷ୍ଠିତ କାର୍ଯ୍ୟକ୍ରମକୁ ସମ୍ପାଦକ ବିପ୍ରଚରଣ ପାଣିଗ୍ରାହୀ ପରିଚାଳନା କରିଥିଲେ। ଅତିଥି ଭାବେ ବରିଷ୍ଠ ନାଗରିକ ଟ୍ରଷ୍ଟର ସଭାପତି ଗଙ୍ଗାଧର ବିଷୋୟୀ ଯୋଗ ଦେଇଥିବା ବେଳେ ପ୍ରମୋଦ ପଟ୍ଟନାୟକ, ବିଜୟ କୁମାର ମହାନ୍ତି, ଚରଣ ପ୍ରଧାନ, ଦୁଃଖୀଶ୍ୟମ ଜେନା, ଗଙ୍ଗାଧର ନନ୍ଦ, କାଶୀନାଥ ବେହେରା, ରାଧାଶ୍ୟାମ ପଣ୍ଡା, ପ୍ରଭାସ କୁମାର ମହାନ୍ତି, ସୁବାସ ଚନ୍ଦ୍ର ଦୋରା, ଭଗବାନ ସାହୁ, ଅର୍ଜୁନ ପାତ୍ର ପ୍ରମୁଖ ଅବସରପ୍ରାପ୍ତ ସେନା କର୍ମଚାରୀ ଉପସ୍ଥିତ ଥିଲେ।
