ଚୌଦ୍ୱାର,୨୭।୭(ଡି.ଏନ୍.ଏ.): କଟକ ଜିଲା ଚୌଦ୍ୱାର ଅଗ୍ରଣୀ ସ୍ବେଚ୍ଛାସେବୀ ସଂଗଠନ ଉଦ୍ଧାର ଫାଉଣ୍ଡେଶନ ପକ୍ଷରୁ କାର୍ଗିଲ ବିଜୟ ଦିବସ ପାଳିତ ହୋଇଯାଇଛି । ଏହି କାର୍ଗିଲ ବିଜୟ ଦିବସରେ ସଂଗଠନର କର୍ମକର୍ତ୍ତା କାର୍ଗିଲ ଯୁଦ୍ଧରେ ସହିଦ ହୋଇଥିବା ଚୌଦ୍ୱାରର ବରପୁତ୍ର ଅମର ସ୍ବର୍ଗତ ରାଜକିଶୋର ସାହୁଙ୍କ ନୂଆସାହି ସ୍ଥିତ ପ୍ରତିମୂର୍ତ୍ତିକୁ ସଫେଇ କରି ଧୂପ, ଦୀପ, ଏବଂ ପୁଷ୍ପମାଲ୍ୟ ଅର୍ପଣ ସହ ଶ୍ରଦ୍ଧାଞ୍ଜଳି ଦେଇଥିଲେ ଓ ବୀର ଯବାନ ରାଜକିଶୋର ସାହୁଙ୍କ ପାଇଁ ୨ ମିନିଟ ନିରବ ପ୍ରାର୍ଥନା କରାଯାଇଥିଲା। ଏହି କାର୍ଯ୍ୟକ୍ରମରେ ସଂଗଠନର ଉପଦେଷ୍ଟା କିରଣବାଳା ନାୟକ, ସଭାପତି ନରୋତ୍ତମ ଦାସ, ଉପସଭାପତି ଦିଲ୍ଲୀପ କୁମାର ସାହୁ, କୋଷାଧ୍ୟକ୍ଷ ସଞ୍ଜୟ ମିଶ୍ର, ସହ-ସମ୍ପାଦକ କାହ୍ନୁଚରଣ ସେଠୀ, କାର୍ଯ୍ୟକାରୀ ସଦସ୍ୟ କେଦାରନାଥ ବେହେରା, ଆଶିଷ କୁମାର ସାମନ୍ତରାୟଙ୍କ ସହ ଚୌଦ୍ୱାର ଦମକଳ ବିଭାଗର କର୍ମଚାରୀମାନେ ଆସି ଅମର ରାଜକିଶୋର ସାହୁଙ୍କୁ ଶ୍ରଦ୍ଧାଞ୍ଜଳି ଅର୍ପଣ ପୁର୍ବକ ସ୍ମୃତିଚାରଣ କରିଥିଲେ।