ଶ୍ରୀନଗର,୨।୪: କାରଗିଲ ଯୁଦ୍ଧର ହିରୋ ବୀର ଚକ୍ରରେ ସମ୍ମାନିତ ସୁବେଦାର ମେଜର ତ୍ସଓ୍ବୋଙ୍ଗ ମୁରୋପ ଲେହ ନିକଟରେ ଗତ ରାତିରେ ଅର୍ଥାତ ଶନିବାର ରାତିରେ ଏକ ସଡ଼କ ଦୁର୍ଘଟଣାରେ ଶହୀଦ ହୋଇଛନ୍ତି। ରବିବାର ଅଧିକାରୀମାନେ ଏହି ସୂଚନା ଦେଇଛନ୍ତି। ଫାୟର ଆଣ୍ଡ ଫ୍ୟୁରି କର୍ପସ କମାଣ୍ଡର ଲେପ୍ଟନାଣ୍ଟ ଜେନରାଲ ରାଶିମ ବାଲି କାରଗିଲ ଯୁଦ୍ଧର ନାୟକଙ୍କ ପରଲୋକରେ ଶୋକ ବ୍ୟକ୍ତ କରିଛନ୍ତି।
ଲେପ୍ଟନାଣ୍ଟ ଜେନରାଲ ରାଶିମ ବାଲି ଭାରତୀୟ ସେନା ପକ୍ଷରୁ ସୁବେଦାର ମେଜରଙ୍କ ଘରକୁ ଯାଇ ସମେବେଦନା ବ୍ୟକ୍ତ କରିଛନ୍ତି। ରାଶିମ ବାଲି ତାଙ୍କ ପିତା ଅଶୋକ ଚକ୍ର(ସେବାନିବୃତ୍ତ)ରେ ସମ୍ମାନିତ ନାୟମ ସୁବେଦାର ଚୋରିଂଗ ମୁତୋପଙ୍କ ସହିତ ପୂରା ପରିବାର ସହ ସାକ୍ଷାତ କରିଛନ୍ତି।
ଫାୟାର ଆଣ୍ଡ ଫ୍ୟୁରି କର୍ପସର ଅଫିସିଆଲ ଟୁଇଟର ଆକାଉଣ୍ଟରେ ଟୁଇଟ କରାଯାଇଛି କି ଫାୟାର ଆଣ୍ଡ ଫ୍ୟୁରି କର୍ପସଙ୍କୁ ବୀର ଚକ୍ରରେ ସମ୍ମାନୀତ ବାହଦୂର ସୁବେଦାର ମେଜର ତ୍ସଓ୍ବୋଙ୍ଗ ମୁରୋପଙ୍କ ଦୁଃଖଦ ପରଲୋକରେ ଆମେ ମର୍ମାହତ। ଇତି ମଧ୍ୟରେ ସେବାରତ ଓ ସେନାର ପୂର୍ବତନ ଯବାନ ସୋସିଆଲ ମିଡିଆରେ ସୁବେଦାର ମେଜର ତ୍ସଓ୍ବୋଙ୍ଗ ମୁରୋପଙ୍କୁ ଶ୍ରଦ୍ଧାଞ୍ଜଳି ଦେଇଛନ୍ତି।
